GÁLATAS 4:17 - Dios Rimashcata Quillcashcami

¹⁷ Chai gentecunaca cancunatami paicunapura tucuchun munancuna. Shina cacpipish paicunapac yuyaica mana allichu. Paicunaca cancuna ñucanchicmanta raquirishpa, paicuna yachachishcata uyachunmi munancuna.

Nuevo Testamento en Quichua Cañar 1996

¹⁷ Chai gentecunaca cancunatami paicunapura tucuchun yallita munancuna. Shina cacpipish paicunapac yuyaica mana allichu. Paicunaca cancuna ñucanchicmanta raquirishpa, paicuna yachachishcata uyachunmi munancuna.

GÁLATAS 4:17 Referans Kwoze

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

1 CORINTIOS 4:8

Ña tucuita charishpaca, chayuccunami canguichic. Chaimantami mana ñucahuan cashpapish, jatun mandaccuna canguichic. ¡Mandaccunata cashpaca, allimari canguichicman! ¡Ñucapish cancunahuan mandaimanmi!

ROMANOS 10:2

Paicuna Diosta servina munaita yallita charishcataca yachanimi. Shina cashpapish, ima shina pactachinataca mana yachancunachu.

SAN MATEO 23:15

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunata caticcunata mashcashpami, mama cuchata, allpata puringuichic. Tarishpaca, cancunata yalli ucu pachaman rinallatami ruhuanguichic.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

FILIPENSES 2:21

Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

2 CORINTIOS 11:3

Shina cashpapish ima shinami culebra paipac yachac tucushca cashcahuan Evata umashpa crichirca, chashnallatac cancunamantapish Cristota tucui shunguhuan catina yuyaita anchuchishpa, chingachinatami manchani.

1 CORINTIOS 11:2

Cancuna ñuca yachachishcata cazushpa, ñucata yuyarishpa causacushcamantaca alli ninimi.

1 CORINTIOS 4:18

Maijancunaca: “Pabloca mana ricungapac shamungachu” yuyashpami, jatun tucushpa puricunguichic.

GÁLATAS 4:16

¿Cancunaman cashcata huillashcamantachu ñucataca piñanguichic?

GÁLATAS 4:18

Shuccuna alli yuyaicunahuan cacpica, paicunapura tucunaca allimi. Chashnaca mana ñuca cancunahuan cacllapichu alli can, ashtahuanpish tucui punzhacunami chashna ruhuana can.