GÁLATAS 3:27 - Dios Rimashcata Quillcashcami

²⁷ Bautizarishpaca, Cristohuan shuc shinalla tucushpami shuctac churanata churarishca shina Cristohuanca shuctaclaya tucushcanguichic.

Nuevo Testamento en Quichua Cañar 1996

²⁷ Bautizarishpaca, Cristohuanmi shuc shinalla tucurcanguichic. Shina tucushpaca, shuctac churanata churarishca shinami Cristohuanca shuctac laya tucushcanguichic.

GÁLATAS 3:27 Referans Kwoze

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

1 CORINTIOS 12:13

Chaica, tucui ñucanchicmi Israel cashpa, mana Israel cashpa, servic, mana servic cashpapish, Diospac shuclla Espirituhuan bautizarishca canchic. Diosca chai Espiritullatatacmi yacuta ubiachic shina, curca.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

EFESIOS 4:24

Cancuna mushuc churanata churaric shina, Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

HECHOS 16:15

Chai huarmi paipac tucui familiandi bautizarishpaca: —Apunchic Jesusta ñuca cric cashcata yachashpaca, ñuca huasipi pozaichic— nirca. Chashna nishpami, ñucanchictaca saquichirca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

JOB 29:14

Ñucaca churanata churaric shinami cashcata ruhuashpa causarcani. Chaimi ñucataca pilluchirca. Ñucapac jahualla churana shinaca, allita ruhuanami carca.

HECHOS 8:16

Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna.

HECHOS 9:18

Chai ratomi Saulopac ñahui murumanta challua concha shina urmacpica, cutin ricurca. Ñahui ricucpica, jatarishpa bautizarircami.

SAN LUCAS 15:22

Ashtahuanpish taitaca paipac serviccunataca: “Ashtahuan sumac churanata apamushpa churachichic. Maqui dedopica sortejasta, chaquipica ushutata churachichic.

1 CORINTIOS 10:2

Chashna puyuhuanpish, cucha yacuhuanpish bautizaric shina tucushpami, Moises-huan shuc shinalla tucurcacuna.