GÁLATAS 3:17 - Dios Rimashcata Quillcashcami

¹⁷ Shina cacpica caitami nini: Diosca Abrahamman cusha nishcataca “pactachishatacmi” nishcami. Chaimantami chuscu patsac quimsa chunga huata quipa Moisesman mandashcacunata cushpapish, Diosca pai ari nishcataca mana chingachishpa, pai cusha nishcatapish mana yangapi churashca.

Nuevo Testamento en Quichua Cañar 1996

¹⁷ Shina cacpica cashnami nini: Taita Diosca Abrahamman cusha nishcataca “pactachishatacmi” nishcami. Chaimantami chuscu pasac quimsa chunga huata q'uipa Moisesman mandashcacunata cushpapish, Taita Diosca pai ari nishcataca mana chingachishpa, pai cusha nishcatapish mana yangallapi churashca.

GÁLATAS 3:17 Referans Kwoze

GÉNESIS 15:13

Mandac Diosca Abramtaca: —Caitami alli yachana cangui. Cambac huahua huahuacunaca shuctac llactapimi causagringa. Chaipimi catushca shina servinga. Chai llactapica chuscu patsac huatatami llaquita causanga.

2 CORINTIOS 1:20

Dios imatapish cushami nishcataca Jesucristomi pactachirca. Diosta jatunyachishpaca, paimantami ñucanchicca «chashna cachun» ninchic.

ROMANOS 3:3

Paicunapuramanta maijancunaca mana cazurcachu. Paicuna chashna mana cazucpica, ¿Diosca pai nishcataca, mana pactachishpa saquingallachu?

COLOSENSES 2:4

Caita nishpaca, cancunata ama mishquilla rimaicunahuan llullashpa crichichunmi chashnaca nini.

GÁLATAS 5:4

Maijan cancunapurapi mandashcacunata pactachishpalla Dios-huan alli tucushun nishpaca, Cristomanta caruyashpami Dios mai cuyashcamantapish chicanyarishcacuna.

GÁLATAS 3:15

Cuyashca criccuna, caita uyaichic: Gentecunapurallapish imata ari nishpaca, shuc quillcatami ruhuachin. Chashna ruhuacpica pipish mana paquipac, shinallatac maita mana yallichipacmi can.

1 CORINTIOS 1:17

Cristoca mana bautizachunchu ñucataca cacharca, ashtahuanpish alli huillaita huillachunmi cacharca. Cristo cruzpi huañushcata yangapi mana churangapacmi, mana jatun yachac tucushpa huillacuni.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

ISAÍAS 14:27

Tucuita Mandac Diosmi chashna ruhuanata yuyarishca. Chaitaca, ¿pitac jarcai pudingayari? Paipac maqui alzashcataca, ¿pitac jarcangayari?

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

HEBREOS 7:18

Chaimantami ñaupa mandashcataca imapac mana alli, mana ruhuaipac saquirin.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

GÁLATAS 3:21

Shina cacpica, ¿mandashcacunaca Dios cusha nishcata chingachingapacchu canga? ¡Mana chashnachu yuyana canchic! Moisés mandashcacunata pactachishpa causanalla cacpica, maijanpish chai mandashcacunata pactachishpaca, Dios-huan alli tucunmanllami.

2 CORINTIOS 9:6

Ashallata tarpucca ashallatami tandanga. Achcata tarpucca achcatami tandanga. Chaitaca alli yuyarichic.

1 CORINTIOS 10:19

Chashna nishpaca, ruhuashcalla dioscunaca valinmi. Chai dioscunaman cushpa huañuchishca aichapish valinmi, mana nisha ninichu.

1 CORINTIOS 7:29

Cuyashca criccuna, ñucaca caitami nisha nini: Cai pachapica mana unai huatacunatachu causashun. Chaimanta huarmiyuc caricunaca, mana huarmiyuc cashca shina causachun.

1 CORINTIOS 1:12

Cancunapuramanta maijanca: «Ñucaca Pablota caticmi cani», maijanca: «Ñucaca Apolosta caticmi cani», maijanca: «Ñucaca Cefasta caticmi cani», cutin maijanca: «Ñucaca Cristota caticmi cani» nicuctami uyani.

ROMANOS 3:25

Diosca gentecunamanta yahuarta jichashpa huañuchunmi Jesucristotaca cacharca. Jesucristota crishpallami quishpirinchic. Ñaupaca, Diosca mana piñaric cashpami, ñucanchic juchacunata perdonarca.

HECHOS 7:6

Diosca Abrahamtaca: “Cambac huahua huahuacunaca shucpac llactapi pozashpallami causanga. Chai llactapimi chuscu patsac huatata servishpa, llaquilla causanga” nirca.

ISAÍAS 28:18

Huañuihuan ari nishcapish yangallami canga. Seolhuan ari nishcapish mana sinchi cangachu. Yallita llaquicunami cancunataca saruc shina pasanga.

SALMOS 33:10

Mandac Diosca llactacunapi causaccuna cunashcataca yangapimi churan. Shinallatac gentecuna yuyarinacushcatapish chingachishpami churan.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

NÚMEROS 30:8

Ashtahuanpish paipac cusa ima punzha yachac chayashpa jarcacpica, chai huarmi ñucapacta ruhuangapac ari nishcataca mana pactachishpa saquinallami. Chaitaca ñucaca perdonashami.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

GÉNESIS 17:19

Shina nicpimi Diosca: —Ñucaca cashna cana cashcatatacmi nini. Cambac huarmi Saraca shuc cari huahuatami charinga. Chai huahuataca Isaactami shutichingui. Paihuanpish, paipac huahua huahuacunahuanpish ñuca ari nishcataca huiñaita pactachicushallami.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÁLATAS 5:16

Chaimantami cancunataca: “Diospac Espíritu munashca shina causaichic, millai munaicunataca ama ruhuaichicchu” nini.

SALMOS 105:9

Chaitaca Abrahamhuanpish, Isaac-huanpish ari nircami.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.