GÁLATAS 2:14 - Dios Rimashcata Quillcashcami

¹⁴ Chaimantami cashcata nic huillashca shina mana ruhuacushcamantaca, tucui tandanacushca criccunapac ñaupapi Pedrotaca: «Canca Israel cashca jahuami, mana Israel shina causacungui. ¿Chashna cashca jahuachu, mana israelcunataca israelcuna shina causachun ningui?» nircani.

Nuevo Testamento en Quichua Cañar 1996

¹⁴ Chaimantami cashcata nic huillashca shina mana ruhuacushcamantaca, tucui tandanacushca criccunapac ñaupapi Pedrotaca: “Canca israel cashca jahuami, mana israel shina causacurcangui. ¿Chashna cashca jahuachu, mana israelcunataca israelcuna shina causachun ningui?” nircani.

GÁLATAS 2:14 Referans Kwoze

GÁLATAS 2:5

Cashcata nic alli huillaita cancuna mana pandarishpa alli catichunmi, paicuna ima nishcataca ashallatapish mana uyashun nircanchic.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

1 TIMOTEO 5:20

Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

GÁLATAS 6:12

Chai “circuncisionta ruhuanaca allimi” niccunaca gentecunapac alli nishca cangapac, shinallatac Cristo cruzpi huañushcata crishcamanta ama pi piñachun nishpallami chashnaca nincuna.

PROVERBIOS 2:7

Alli yachaimi allita ruhuaccunamanca mana pandana yuyaita cun. Allita ruhuashpa causaccunapacca jarcarina escudo shinami.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

HEBREOS 12:13

Huishtu chaquicuna alliyashpa, ama ashtahuan anchayachun, recto chaqui ñancunata ruhuaichic.

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

GÁLATAS 2:7

Mushuc yachanacunata cunapac randica, Dios Pedrota israelcunaman huillachun cachashca shina, ñucatapish mana israelcunaman quishpirinamanta alli huillaita huillachun cachashcatami yachac chayarcacuna.

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

HECHOS 15:24

Manapish ñucanchic mandacpi, ñucanchicpuramanta maijancuna cancunapacman rishpa: “Circuncisionta ruhuashpa, Moisés mandashcacunata pactachinami canguichic” nishpa, pandata yachachishcatami uyashcanchic.

PROVERBIOS 10:9

Allita ruhuashpa causac runaca imata mana manchanchu. Ashtahuanpish mana allita ruhuashpa causacca jatun llaquimi tucunga.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

SALMOS 58:1

Tandanacushca mandaccunalla, ¿cancunapac shimihuanca cashcatatacchu rimanguichic? Huañuclla runacunata ima llaqui japicpica, ¿cashcata ruhuashpachu allichinguichic?

SALMOS 15:2

Ima pandata mana ruhuac, imatapish cashcata ruhuac, paipac shungupi mana llullac,

LEVÍTICO 19:17

Shuccunata ama cambac shungupi piñanguichu. Ashtahuanpish maipi pandaricushcata ricuchishpa cunangui. Mana cunashpaca juchayucmi tucungui.

GÁLATAS 2:3

Chashna yachachicpica ñucahuan shamuc Titotaca mana Israel cacpipish, mana pi circuncisionta ruhuachun mandarcachu,

HECHOS 15:1

Chai punzhacunapi Judea llactamanta Antioquía puebloman maijancuna shamushpa, criccunata yachachishpaca: «Moisés mandashca shina circuncisionta mana ruhuashpaca, mana quishpiringuichicchu» nishpami yachachirca.

HECHOS 15:5

Chashna parlacpipish, fariseopuramanta maijan criccuna shayarishpaca: —Mana Israel criccunataca circuncisionta ruhuashpa, Moisés mandashcacunata pactachichunmi yachachina canchic— nirca.

GÁLATAS 1:6

Jesucristo mai cuyashcamantami, Diosca cancunataca acllarca. Chaimantami cancuna shuctac yachachishcata catishpa, Diosmanta utca caruyacushcata yachashpaca mancharini.

GÁLATAS 1:18

Quimsa huata quipami Pedrota ricungapac Jerusalén puebloman rircani. Chaipica chunga pichca punzhatami paihuan carcani.

COLOSENSES 1:5

Cashcata nic alli huillaita uyashpami, cancunaca jahua pachapi Dios huacaichishcata tucui shunguhuan cringuichic.