GÁLATAS 2:13 - Dios Rimashcata Quillcashcami

¹³ Pedro chashna mana shuc yuyailla tucushpa, mana allita ruhuacta ricushpaca, caishuc cric israelcunapish chai shinallatacmi mana allita ruhuarcacuna. Shinallatac Bernabecamanmi pandarishpa mana allita ruhuarca.

Nuevo Testamento en Quichua Cañar 1996

¹³ Pedro chashna mana shuc yuyailla tucushpa, mana allita ruhuacta ricushpaca, caishuc cric israelcunapish*f** chai shinallatacmi mana allita ruhuarcacuna. Shinallatac Bernabecamanmi pandarishpa mana allita ruhuarca.

GÁLATAS 2:13 Referans Kwoze

1 CORINTIOS 15:33

Ama pandarichicchu. Maijancunaca: «Mana alli gentecunahuan tandarishpami, alli causaitaca saquincuna» ninmi.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.

HEBREOS 13:9

Cancuna mana ricsishca shuctac doctrinacunata ama chasquinguichicchu. Imacunallata micuna, imacunallata mana micuna nishpa mandashcaca ima allita mana ruhuashcachu. Chaipac randica, Diospac cuyaita shungupi charishpa, sinchiyaichic.

1 CORINTIOS 8:9

Shina cacpipish micunallami nishpa micushpaca, pacta caishuc manarac sinchi criccunata pandachinguichicman.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

HECHOS 4:36

Chipre llactamanta curacunata ayudac levita Josepish, criccunahuanmi carca. Paitami apostolcunaca Bernabeta shutichirca. Bernabé nishpaca: “Cushichic runa” nisha ninmi.

ECLESIASTÉS 10:1

Huañushca chuspicunaca ashnanmi mishquilla ashnacuc jambitapish ashnachinmi. Chashnami yuyaisapa, alli nishca runa ashata pandarishpaca, yallita mana alli ricurin.

GÁLATAS 2:1

Chunga chuscu huata quipami Bernabehuan cutin Jerusalén puebloman ricushpaca, Titotapish apashpa rircani.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

ECLESIASTÉS 7:20

Cai pachapica cashcata ruhuac, allita ruhuac, jucha illac runaca shucllapish mana tiyanchu.

GÉNESIS 27:24

Cutinllatac tapushpaca: —¿Canca ñuca churi Esauchu cangui?— nirca. Shina nicpimi Jacoboca: —Ari, Esaumi cani— nirca.

JOB 15:12

¿Ima nishpatac cambac shunguca paimanta caruyan? ¿Ima nishpatac cambac ñahuihuan nina japiric shina piñaringui?

SAN MATEO 23:28

Gentecunapac ricuipica cashcata ruhuaccuna shinami canguichic, ashtahuanpish ucu shungupica llullana yuyai, mapa yuyaicuna jundami canguichic.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

2 SAMUEL 16:19

¿Ñucaca pitatac servina cani? ¿Manachu paipac churillatac servina cani? Cambac taitata servishpa causashca shinallatacmi canta servishpa causasha— nirca.