FILIPENSES 3:19 - Dios Rimashcata Quillcashcami

¹⁹ Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

Nuevo Testamento en Quichua Cañar 1996

¹⁹ Chashna causaccunaca tucuri punzhapimi llaquipi chingaringapac ringacuna. Paicuna munashca shina micunallatacmi, Diostapish yalli munancuna. Paicunaca pingaipacta ruhuashpapish, mana pingancunachu. Ashtahuanpish chaillahuantacmi “allimi canchic” nirincuna. Paicunaca cai pacha causaipacllami ashtahuan munancuna.

FILIPENSES 3:19 Referans Kwoze

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

COLOSENSES 3:2

Ama cai pachapi ima tiyashcacunallapi shunguta churaichicchu, ashtahuanpish jahua pachapi imalla tiyashcapi yuyashpa causaichic.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

2 CORINTIOS 11:15

Chashnaca mana mancharinachu canchic. Paicunata serviccunapish cashcata ruhuaccuna shinami ricurincuna. Shina cacpipish paicuna imata ruhuacushca shinallatacmi chingaringacuna.

2 CORINTIOS 11:12

Chai llullashpa puriccuna huillashpa ama cushicuchunmi, ima shina ruhuacuc shinallatac imata mana chasquishpa ruhuashpa catisha.

OSEAS 4:7

Curacuna ashtahuan achca tucushpaca, ashtahuan juchallishpami ñucata piñachirca. Chaimantami paicuna alli nishca canata anchuchishpa, pingaichishpa asinata ruhuasha.

2 PEDRO 2:13

Shuccunata llaquichishcamantaca, paicunapish llaquita apangacunami. Imapish mapa, mana allicunata punzha pacha ruhuashpaca, allitami ruhuanchic nishpami cushicuncuna. Cancunahuan tandanacushpa micungapac rishpaca, imapish quiquin munashcata ruhuashpami, pingaipac mapata ruhuancuna. Chai shina ruhuashpaca, cancunata umashpami cushicuc tucuncuna.

GÁLATAS 6:13

Circuncisionta ruhuaccunapish mandashcacunataca mana pactachincunachu. Chashna cashpapish paicuna taucacunata circuncisionta ruhuachishpa “allimi cani” ningapacllami, cancunataca circuncisionta ruhuachun nincuna.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

1 CORINTIOS 3:3

Cancunaca cai pacha jucha munashca shina causacushcamantami, rimanacunguichic, piñanacunguichic shinallatac raquirinacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

SALMOS 17:14

Paicunapac maquimantaca cambac maquihuan cacharichiyari. Mandac Dioslla, paicuna japinataca ñami cai pachapi charincuna. Paicunaca can cushcatami huicsa pactata micuncuna. Huahuacunamanpish yallitami charincuna. Quipa huahuacunamanpish puchunmi.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.

2 TIMOTEO 3:4

mana confiarinacuna, mana pingaccuna, allimi canchic niccuna, Diosta cazunapac randica millaita ruhuashpa cushicuccuna,

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

2 TESALONICENSES 2:12

Cashcata nic huillashcata huillacpi mana crisha nishpa, mana allillata ruhuashcacunahuan cushicushcamanta, paicuna tucuillatac jatun llaquiman richunmi, chashnaca ruhuanga.

FILIPENSES 2:21

Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

1 CORINTIOS 5:6

Chashna mana allicuna tiyashca jahuaca, mana allichu jatun tucunaca. ¿Manachu ashalla levadura tucui chaputa punguillichic cashcataca yachanguichic?

1 CORINTIOS 5:2

¿Chashna cashca jahuachu jatun tucunguichic? ¡Chaipac randica, llaquirishpami chai huacllirictaca cancunapuramanta llucchishpa cachana canguichic!

MALAQUÍAS 1:12

Shina cacpipish cancunaca: “Mandac Diospac mizapish, chaipi tiyac micunapish millanami” nishpami, yangapi churarcanguichic.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

SAN LUCAS 18:4

Juezca pai mañashcata mana utca ruhuarcachu. Ashtahuanpish juez shungupi yuyarishpaca: “Diostapish mana manchanichu, pitapish mana llaquinichu.

SAN LUCAS 16:19

Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

SAN LUCAS 12:19

Chashna huacaichishpaca ñuca shungutaca: ‘Tauca huatapacmi charisha. Cunanca cushicushpa, micushpa, ubiashpa samarishami’ nishami” nicurca.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

MIQUEAS 3:5

Mandac Diosca llactacunata pandachishpa huillaccunata rimashpaca: «Paicunaca: “Micuna tiyacpica, cushi causaimi tiyanga. Ashtahuanpish micuna mana tiyacpica, macanacuimi tiyanga” nincunami.

EZEQUIEL 34:3

Cancunaca oveja lecheta micushpapish, oveja millmamanta churarishpapish, huira oveja aichata micushpapish mana michinguichicchu.

SALMOS 52:1

Jatun poderta charic runalla, ¿ima nishpatac mana allita ruhuashpa jatun tucunguiyari? Diosca punzhantami cuyacun.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

ROMANOS 6:21

Chai ruhuashcacunamantaca cunan pingaihuanmi canguichic. Shinaca, ¿ima allitatac japircanguichic? Chaicunaca huañuimanmi apan.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

1 SAMUEL 2:29

¿Ima nishpatac ñucaman animalta cushpa huañuchishcatapish, shuctac ofrendacunatapish yangapi churanguichic? Chaicunataca ñucahuan tupana huasipi rupachichunmi mandarcani. Cambac churicunatami ñucata yalli alli nishpa, ñuca acllashca israelcuna cushcacunamantaca ashtahuan allita carashpa huirayachishcangui” ninmi.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

2 TESALONICENSES 1:9

Paicunaca huiñaitami llaquichishpa chingachishca, shinallatac poderyuc Apunchic Jesuspac sumaimana ñaupamantapish, caruman shitashca canga.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpami, mana allita rimancuna. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.