FILIPENSES 2:9 - Dios Rimashcata Quillcashcami

⁹ Chaimantami Diosca paitaca jatunyachishpa, paipac shutitapish tucuimanta yalli alli nishca cachun curca.

Nuevo Testamento en Quichua Cañar 1996

⁹ Chaimantami Taita Diosca paitaca jatunyachishpa, paipac shutitapish tucuimanta yalli alli nishca cachun curca.

FILIPENSES 2:9 Referans Kwoze

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.

SAN MATEO 28:18

Jesús paicunapacman cuchuyashpaca: «Diosca ñucamanmi cai pachatapish, jahua pachatapish mandachun poderta curca.

1 PEDRO 3:22

Jesucristomi jahua pachaman rishpa, Diospac alli maquiman tiyacun. Paimi angelcunatapish, poderta charic mandac espiritucunatapish mandacun.

HEBREOS 2:9

Ashtahuanpish Jesusta, ashacamanlla angelcunamanta asha yangallata ruhuashpapish, llaquita apashpa huañushcamantami sumacyachishca, alli nishcata ruhuashca. Chaica, Dios cuyashcamantami, Jesusca tucuipac allipac huañurca.

ISAÍAS 52:13

Riquichic, ñucata servic runaca jatunyachishcapish, alli nishcapishmi canga. Tucui pai ruhuashcaca allimi llucshinga.

APOCALIPSIS 5:12

Paicuna sinchita rimashpaca: «Diosman cushpa huañuchishca Pactalla Ovejallami, poderta charic, tucuita charic, tucuita yachac, imatapish ruhuac, alli nishca sumaimana nishca, ¡tucuimanta yalli jatun nishca cana can!» nircacuna.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

HEBREOS 1:4

Chashnami paica tucui angelcunata yalli jatun shutita chasquishpa, angelcunata yalli tucushca.

SALMOS 89:27

Ñucapish paitaca punta churi cachunmi churasha. Shinallatac cai pacha jatun mandaccunapac jahuapimi churasha.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

ISAÍAS 53:12

Chaimantami Diosca paitaca alli nishcacunahuan pacta churanga. Sinchi runacunahuanmi quichushcacunataca chaupinacunga. Chaica, paica huañungacamanmi yallita llaquita aparca. Paica achcacunapac juchata aparishpami juchayuc shina tucurca. Juchayuccunamantami mañarca.

SALMOS 110:1

Mandac Diosmi ñucata Mandactaca: «Canta piñaccunata cambac chaqui sarunapi churangacaman ñuca ladopi tiyari» nirca.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi jatunyachishca carcani, Chashnallatac cunanpish jatunyachiyari.

SALMOS 110:5

Mandac Diosca cambac alli ladopimi tiyacun. Pai piñashca cai punzhacunapica jatun mandaccunatami tucuchinga.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

SAN LUCAS 10:22

Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcatapish pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachancuna» nirca.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

SALMOS 91:14

Sumac Diosca: «Paitaca ñucata cuyashcamantami quishpichisha. Ñuca shutita ricsishcamantami ashtahuan jahuapi churasha.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

2 PEDRO 1:17

Dios paipac Churita jatunyachishpa, sumaimanata ruhuactami ricurcanchic. Diosca sumac achic nicucmantami: «Caimi ñuca cuyashca Churica. Paillami ñucataca cushichin» nirca.

COLOSENSES 1:18

Cristollatacmi tandanacushca criccunataca uma shina mandacun. Tandanacushca criccunaca paipac cuerpomi can. Manarac ima tiyacpi, pai ña tiyac cashcamanta, huañushcacunapuramanta punta causaric cashcamantami, Diosca tucuipac punta cachun churarca.

HECHOS 5:31

Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.

SAN JUAN 13:3

Jesusca paiman Dios poderta cushcatapish, Dios cachashca shamushcatapish, paipacman cutina cashcatapish yacharcami.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Pipish ñuca yuyaita cucllapimi, ñuca Taita pi cashcataca yachan.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SAN JUAN 17:11

Ñucaca ña mana cai pachapi cagrinichu, cambacmanmi rigrini. Ñucata caticcunaca cai pachapimi saquirin. Jucha illac Taitalla, ima shinami canhuan shuc shinalla canchic, chai shinallatac paicunapish shuc shinalla cachun, cambac poderhuan cuidaiyari.

SAN JUAN 17:12

Cai pachapi paicunahuan cashpaca, cambac poderhuanmi cuidarcani. Can cushcacunataca tucuitami cuidarcani. Shucllapish mana chingarircachu, ashtahuanpish chingaringapac cashca runallami can quillcachishcapi nishca shina pactachun chingarirca.

EFESIOS 1:10

Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

2 TESALONICENSES 1:12

Chashnami cancunaca ñucanchic Apunchic Jesustaca alli ninguichic, shinallatac cancunatapish Paica alli ningami. Chashnami ñucanchic Diospish, Apunchic Jesucristopish mai cuyashcamanta alli ninga.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

3 JUAN 1:7

Paicunaca Jesucristomanta huillangapac llucshishpapish, mana criccunamantaca ima ayudata mana chasquircacunachu.