FILIPENSES 2:27 - Dios Rimashcata Quillcashcami

²⁷ Paica huañunalaya, ancha ungushcatacmi carca. Ashtahuanpish Diosmi ñuca llaquita apacushca jahua ama ashtahuan llaquita apachun nishpa, paitapish ñucatapish llaquishpa, paitaca alliyachirca.

Nuevo Testamento en Quichua Cañar 1996

²⁷ Paica huañuna laya, ancha ungushcatacmi carca. Ashtahuanpish Taita Diosmi ñuca llaquita apacushca jahua ama ashtahuan llaquita apachun nishpa, paitapish ñucatapish llaquishpa, paitaca alliyachirca.

FILIPENSES 2:27 Referans Kwoze

SALMOS 34:19

Cashcata ruhuactaca achca llaquimi japin. Shina cacpipish, Mandac Diosmi tucui llaquimanta llucchinga.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

2 CORINTIOS 2:7

Cunanca perdonaichic shinallatac cushichichic. Mana chashna ruhuacpica, caita chaita yuyashpami, yalli llaqui tucunga.

1 CORINTIOS 10:13

Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

HECHOS 9:37

Chai punzhacunapimi, shuc ungüi japicpi huañurca. Pai huañucpica, armachishpa pilluchishpami, shuc ucupi churarca.

JOB 5:19

Sucta cutin llaquicuna japicpipish, cacharichingami. Canchis llaquica ña mana japingachu.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

HABACUC 3:2

Mandac Dioslla, can rimashcata uyashpaca mancharircanimi. Mandac Dioslla, can ruhuashcacunata ricushpa mana amirinimi. ¡Ñaupa huatacunapi ruhuashcata cunan punzhacunapi ricuchiyari! Can piñarishca cashpapish llaquiyari.

JEREMÍAS 10:24

Mandac Dioslla, cashcata ruhuashpa llaquichiyari. Ashtahuanpish mana tucui chingachingapacca, ama yallita piñarishpa llaquichinguichu.

JEREMÍAS 8:18

Cai yalli llaquimi ñitimucun. Ñuca shungupish chiriyanmi.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

2 REYES 20:1

Chai punzhacunami Ezequiastaca huañuna ungüi japirca. Shina cacpimi Dios ima nishcata huillac Amozpac churi Isaías paipacman rishpaca: —Mandac Diosca: “Canca huañugringuimi, ña mana causanguichu. Chaimanta cambac huasi ucupurataca imata nina cashpapish utca ningui” ninmi— nirca.

JEREMÍAS 45:3

“Canca: ‘¡Aij, ñucalla! Mandac Diosca ñuca llaquihuan cacpipish, ashtahuan llaquichinmi. Huacacushpalla shaicushcami cani, mana samarinichu’ nicunguimi” ninmi.

FILIPENSES 2:26

Epafroditoca tucui cancuna ima shina cashcata ricugrina yuyaillami puricun. Ashtahuancarin pai ungushca cashcata cancuna yachashcamantami, mai llaquiricun.

FILIPENSES 2:28

Cunanca paita ricushpa cutin cushicuchunmi, ñucapish ña ama ashtahuan llaquilla cangapac paitaca cancunapacman cachani.