FILIPENSES 1:6 - Dios Rimashcata Quillcashcami

⁶ Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

Nuevo Testamento en Quichua Cañar 1996

⁶ Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

FILIPENSES 1:6 Referans Kwoze

FILIPENSES 2:13

Diosllatacmi imapish paiman allita ruhuana yuyaitapish, allita munana yuyaitapish cancunaman cun.

EFESIOS 4:12

Chashna ruhuashpaca, Dios acllashcacuna paipacta ruhuachun, Cristopac cuerpo shina tandanacushca criccunata ashtahuan sinchiyachichun,

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

SALMOS 138:8

Mandac Dioslla, canca huiñaita llaquicmi cangui. Can Mandac Dios ñucaman imata ruhuasha nicushcataca pactachiyari. ¡Cambac maquihuan ruhuashcataca ama saquichuyari!

1 CORINTIOS 1:8

Shinallatac Pai cutimui punzhapi ama pi juchanchichunmi, tucuri punzhacaman sinchi cricta ruhuashpa charinga.

2 TESALONICENSES 1:11

Chaimantami Dios paipac poderhuan pai munashca shinata ruhuachichun, cancuna crishcamanta alli ruhuaicunatapish, alli yuyaicunatapish cuchun, cayashcacuna cashcatatac ricuchichun nishpami cancunamanta punzhanta mañacunchiclla.

HEBREOS 10:35

Cancuna shuyacushcataca, amatac chingachinguichicchu. Chashna causashpami, sumac japinata japinguichic.

SAN JUAN 6:29

Shina nicpimi Jesusca: —Pai munashcata ruhuanaca, pai cachashca churita crinami— nirca.

FILIPENSES 1:10

Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

1 TESALONICENSES 1:3

Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

FILEMÓN 1:21

Cai ñuca nishcata cazushpa, ashtahuan caicunamanta yallita ruhuana cashcata yachashpami, cai quillcata cachani.

FILIPENSES 1:29

Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarcami.

2 TESALONICENSES 3:4

Ñucanchic ima nishcacunata cancuna ña pactachicuc shinallatac, pactachishpa catina cashcatatacmi Apunchic Jesucristomantaca yachanchic.

COLOSENSES 2:12

Cancuna ña bautizarishca cashcamantaca, Cristohuan enterrashca shinami canguichic. Shinallatac Cristota causachic imatapish ruhuaclla Diosta crishcamantaca, huañushcacunapuramanta Cristohuan pacta causachishca shinami canguichic.

2 CORINTIOS 7:16

Tucui imapipish cancuna alli caticucta yachashpami, yallita cushicuni.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 16:14

Chaipica, Tiatira pueblomanta Lidia huarmimi ñucanchic huillashcata uyacushca carca. Chai huarmica morado sumac lienzota catucmi carca, shinallatac Diosta yuyaricmi carca. Chai huarmimanmi Apunchic Jesusca Pablo huillashcata tucui shunguhuan uyachun, yuyaita curca.

GÁLATAS 5:10

Jesucristohuan shuc shinalla tucushcamantaca, cancuna mana pandarina cashcatami yachani. Diosca maijan pandachishpa purictaca, pita cashpapish llaquichingami.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

2 CORINTIOS 9:4

Maijan Macedonia criccuna ñucahuan ricpi, pacta cancunaca mana allichirishpa shuyacunguichicman. Chashna cancuna shuyacucpica, ñucanchic cancunamanta “allicunami” nishcaca yanga, shinallatac pingaimi canga. Ñuca pingaipi tariricpica, ¿manachu cancunamanpish pingai canga?

2 CORINTIOS 2:3

Chaimantami ñuca cancunapacman ricpi, ama llaquichichun, ashtahuanpish cushichichun nishpa quillcarcani. Ñuca cushilla cacpica, cancunapish cushillami canguichic.

2 CORINTIOS 1:15

Cai yuyaihuanmi cancunatarac ricungapac rishpa achcata cushichinata yuyarcani.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapi mai cushicusha.