FILIPENSES 1:12 - Dios Rimashcata Quillcashcami

¹² Cuyashca criccuna, caitami yachachun munani: Cashna ñucata carcelpi churacpica, ashtahuanmi alli huillaica maipipish uyarishca.

Nuevo Testamento en Quichua Cañar 1996

¹² C'uyashca criccuna, caitami yachachun munani: Cashna ñucata carcelpi churacpica, ashtahuanmi alli huillaica maipipish uyarishca.

FILIPENSES 1:12 Referans Kwoze

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

HECHOS 8:4

Ashtahuanpish Jerusalenmanta miticushpa ric criccunaca maita rishpapish, quishpirinamanta alli huillaita huillashpami purirca.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

ESTER 9:1

Chunga ishcai Adar quilla chunga quimsa punzhapimi, jatun mandac mandashpa quillcashcata pactachina carca. Ashtahuanpish Judá gentecunata piñaccuna sinchita mandai callarina punzhapica Judá llacta gentecunami paicunata piñaccunata mandai callarirca.

ÉXODO 18:11

Cunanmi, Mandac Diosca tucui dioscunamanta ashtahuan jatun cashcata yachani. Jatun tucushpa, cancunata llaquichiccunatami llaquichishca— nirca.

SAN LUCAS 21:13

Chashna apacpimi, paicunamanpish ñucamanta huillanguichic.

FILIPENSES 1:5

Cancunaca callari punzhamanta pachami, quishpirinamanta alli huillaita ñuca huillacucpica, cunancaman ñucahuan pacta allita ruhuacushcanguichic.

FILIPENSES 1:7

Shungupi cancunata charicushcamanta ñuca cashna yuyanaca allillatami. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Dios cushcamantami, ñuca shina alli huillaita huillacunguichic.

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaitaca ñucahuan pacta huillacurca.

FILIPENSES 4:3

Shinallatac can ñucahuan Diospacta ruhuacuc huauquitapish: “Chai panicuna alli tucuchun rimashpa cui” ninimi. Chai panicunaca huauqui Clementendi, shinallatac caishuc huauquicunandicmi pi imata nicucpipish, mana manchashpa alli huillaitaca ñucahuan pacta huillarcacuna. Paicunapac shuticunaca huiñaita causangapac rina libropimi quillcashca tiyacun.

FILIPENSES 4:15

Filipos criccunalla, alli huillaita huillai callarishca punzhacuna Macedonia llactamanta ñuca ricucpica, cancunallami ñuca huillashcata uyashcamanta Diosman cushca cullquitaca curcanguichic. Chaitaca cancunallatac ña yachanguichicmi.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.