FILIPENSES 1:10 - Dios Rimashcata Quillcashcami

¹⁰ Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

Nuevo Testamento en Quichua Cañar 1996

¹⁰ Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

FILIPENSES 1:10 Referans Kwoze

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

1 TESALONICENSES 5:23

Cushi causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca jucha illac, pi mana juchanchipacta ruhuashpa huacaichichun.

ROMANOS 2:18

Diospac munaitapish, pai mandashcacunata yachacushpa, ima allita acllana cashcatapish yachanguimi.

EFESIOS 5:10

Cancunaca Apunchic Jesús munashca shina causanatami yuyana canguichic.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

1 TESALONICENSES 5:21

Tucuita allita ricushpa, allitaca huacaichishpa causaichic.

1 CORINTIOS 1:8

Shinallatac Pai cutimui punzhapi ama pi juchanchichunmi, tucuri punzhacaman sinchi cricta ruhuashpa charinga.

APOCALIPSIS 2:2

Ñucaca can imata ruhuacushcata, can mana shaicushpa trabajacushcata, mana piñarishpa caticushcata, millaicunata mana ricunayachishcata, shinallatac Jesusmanta huillaccunami canchic nishpa llullashpa puriccunata taripashcatapish yachanimi.

EFESIOS 5:27

Tandanacushca criccunaca paipac ñaupapi chuyanlla, ima mana alli ruhuashcacunapish illac, llambuclla sumaimana ricurichunmi, chashnaca ruhuarca.

SAN JUAN 1:47

Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

JOSUÉ 24:14

Shinallatac Josueca: «Cancunaca Mandac Diosta manchaichic, ima mana allitapish ama ruhuanguichicchu. Tucui munaihuan paita servishpa causanguichic. Cancunapac chaupimanta, cancunapac ñaupa taitacuna jatun yacu chimba ladopi causashpa servishca dioscunata, Egiptopi causashpa servishca dioscunata anchuchinguichic. Shina anchuchishpami, Mandac Diosta servishpa causana canguichic.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

SAN MATEO 26:33

Chashna nicpimi Pedroca: —Caishuccuna canmanta caruyacpipish, ñucaca manatac saquishachu— nirca.

MIQUEAS 3:2

Ashtahuanpish cancunaca allita ruhuanata piñashpami, mana allita ruhuanata munanguichic. Tullumantaca caratapish, aichatapish anchuchishpami saquinguichic.

JOB 34:3

Ringrica imata nicushcatami uyan. Calluca micuna imalaya cashcatami yachan.

JOB 12:11

Ringri uyacpimi, imata rimashcatapish yachan. Callumi imalaya micuna cashcatapish yachan.

GÉNESIS 20:5

¿Manachu Abrahamllatac: “Ñuca panimi” cutin huarmica: “Ñuca turimi” nirca? Chaimantami ñuca chuya maquihuan, alli shunguhuan apamushpa, chaita ruhuarcani» nirca.

FILIPENSES 1:16

Alli shungumanta huillaccunaca: “Quishpirinamanta alli huillaica chashnatacmari” nishpa huillachun Dios ñucata acllashcata yachashpami, cuyaihuan huillancuna.

EFESIOS 6:24

Sumac mana chingaric cuyaihuan ñucanchic Apunchic Jesucristota tucui cuyaccunamanca, sumaimana cuyaita Diosca cushca cachun ninimi.

EFESIOS 4:15

Chaipac randica imapish cashcata huillashpa, caishuc chaishuc-huan cuyanacushpami, Cristohuan shuc shinalla causana yuyailla cana canchic. Cristoca tandanacushca criccunapac uma shinami.

GÁLATAS 5:11

Cuyashca criccuna, ñuca cancunaman “circuncisionta ruhuanaca allimi” nishpa puricpica, judiocunaca mana piñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata piñachinmanchu.

2 CORINTIOS 8:8

Caitaca mana shuc mandashca shinatachu nicuni, ashtahuanpish shuccuna cushicushpa cushcata ricushpa, cancunapish cushpa, tucui shunguhuan cuyashcata ricuchichunmi nicuni.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

1 CORINTIOS 8:13

Shina cashcamanta ruhuashcalla dioscunaman cushca aichata ñuca micushcallamanta shuc cric pandarina cacpica, paita mana pandachingapacca chai aichataca mana micunachu cani.

ROMANOS 16:17

Cuyashca criccuna, cancuna yachacushcamanta shuctaclayata yachachishpa chicanyachiccunamanta cuidaringuichic ninimi. Chashna yachachishpa pandachiccunamanta cuidaringuichic.

ROMANOS 7:22

Ñuca shungupica Diospac mandashcacunahuanmi yallita cushicuni.

ROMANOS 7:16

Mana ruhuasha nicushcata ruhuashpami, mandashcacuna alli cashcata yachac chayani.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

SAN JUAN 3:20

Tucui mana allita ruhuaccunaca, paicunapac mana allita ruhuashcacuna ama achicman ricurichunmi, Achicyachictaca piñancuna.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapi mai cushicusha.