FILEMÓN 1:6 - Dios Rimashcata Quillcashcami

⁶ Ñucanchic crishcata shuccunaman huillachun, shinallatac Dios cushca allicunata Jesucristomanta chasquishcatapish alli entendichun nishpami, canmantaca Diosta mañacuni.

Nuevo Testamento en Quichua Cañar 1996

⁶ Ñucanchic crishcata shuccunaman huillachun nishpa, shinallatac Dios cushca allicunata Jesucristomanta chasquishcatapish alli entendichun nishpami, canmantaca Taita Diosman mañacuni.

FILEMÓN 1:6 Referans Kwoze

2 PEDRO 1:8

Cancuna tucui caicunata charishpa, punzhanta ruhuashpa causacpica, cancunapac causaipish grano pucuc shinami alli canga, shinallatac Apunchic Jesusta crishcapish mana yangachu canga.

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

SANTIAGO 2:17

Chai shinallatacmi crishpapish, ima allita mana ruhuacpica, huañushca shinallatac can.

SANTIAGO 2:14

Ñuca cuyashca criccuna, cricmi cani nishpapish, imapish allicunata mana ruhuashpaca, ¿ima allitac cangayari? Cricmi cani nishpallaca, ¿paica quishpiringachu?

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.

TITO 3:14

Ñucanchicpuramanta caccunapish allita ruhuashpa, huacchacunaman ima illashcatapish ayudashpa, Diospac ñaupapi allicuna cachunmi munani.

1 CORINTIOS 14:25

Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

1 PEDRO 3:1

Shinallatac huarmicuna, cancunapac cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

1 CORINTIOS 16:9

Taucacuna piñacucpipish, Jesucristomanta ñuca huillachunca, pungu pascashca shinami can.

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Dios mushucta ruhuashpa pushacpimi, cancunaca pai shina tucushpa Diosta allita ricsic chayanguichic.

SAN MATEO 25:16

Chai pichca talento cullquita japicca chai cullquihuanca randishpa catushpami, pichca talento cullquihuan mirachirca.