FILEMÓN 1:22 - Dios Rimashcata Quillcashcami

²² Cancuna Diosta mañacushcamanta, “Diosca ñucata cutinllatac cancunapacman cachangami” nishpami shuyacuni. Chaimanta ñuca pozanatapish allichicungui nishpami mañani.

Nuevo Testamento en Quichua Cañar 1996

²² Cancuna Taita Diosman mañacushcamanta, “paica ñucata cutinllatac cancunapacman cachangami” nishpami shuyacuni. Chaimanta ñuca pozanatapish allichicungui nishpami mañani.

FILEMÓN 1:22 Referans Kwoze

FILIPENSES 2:24

Ashtahuanpish Apunchic Jesuspac munai cacpica, ñucallatac cancunata ñalla ricugrina cashcatami yachani.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

2 JUAN 1:12

Cancunaman imata nina cashcataca achcatami charini. Chashna cacpipish cai quillcapica mana quillcashpa cachagrinichu, ashtahuanpish ñuca quiquinllatac rishpami, cancunahuantac parlasha nini. Chashna parlashpami, ñucanchicca yallita cushicushun.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

FILIPENSES 1:19

Cancuna ñucamanta Diosta mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

HECHOS 28:23

Chashna nishpami, shuc punzha Pablo ima nishcata uyangapac yuyarinacurca. Chai punzhapimi pai causacuc huasiman achca gentecuna Pablo yachachishcata uyangapac, tandanacumurca. Pabloca Jesusta crichunmi, Dios mandacucmantapish, Moisés mandashcacunamantapish, Dios ima nishcata huillashcamantapish tutamantamanta chishicaman yachachirca.

3 JUAN 1:14

Ashtahuanpish canhuan ñahui ñahui cangapacmi, utca shamusha nicuni. Chaipimi ashtahuan parlanacushun.

HEBREOS 13:23

Ñucanchic huauqui Timoteo ña carcelmanta llucshishcata yachachunmi munani. Pai utca shamucpica, paihuanmi cancunata ricungapac risha.

HEBREOS 13:19

Ashtahuancarin ñuca cancunahuan cangapac utca cutichunca, Diosta mañaichic nini.

ROMANOS 15:24

España llactaman rishpaca, ima shinapish cancunata ricuna yuyailla cani. Cancunata asha punzhacunata compañashca quipa, ñuca ricushcaman chayangapac ayudachunmi munani.

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.