EZEQUIEL 7:6 - Dios Rimashcata Quillcashcami

⁶ ¡Chaica cancunata tucuchigrinimi, tucuchigrinimi! ¡Llaquica ñami llaquichingapac chayamun! ¡Riquichic, ñamari shamucun!

EZEQUIEL 7:6 Referans Kwoze

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.

EZEQUIEL 39:8

Mandac Dios ñucami nini: Ñuca llaquichina punzhami chayamun. Chaitaca pactachishatacmi.

EZEQUIEL 21:25

Israel llactata mandaclla, canca millai runami cangui. Canta llaquichishpa tucuchina punzhaca ñami pactashca.

EZEQUIEL 7:10

¡Chai punzhaca chayamushcatacmi! Millaita ruhuanapish, jatun tucunapish yallitami mirashca.

EZEQUIEL 7:3

Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.

JEREMÍAS 44:27

Ñuca paicunaman ima allita ruhuanapac randica, llaquichingapacmi chaparacuni. Egipto llactapi causac Judá gentecunami jatun macanacuipi yarcaihuan huañushpa tucuringa.

EZEQUIEL 7:7

¡Llactapi causaccunalla, cancunata llaquichina punzhaca ñami chayamun! ¡Urcucunapi cushicushpa caparinapac randica, llaquihuan caparina punzhami chayamun!

LAMENTACIONES 4:18

Ñucanchic quiquin calleta ama purichunmi caillapi, chaillapi chapacun. Ñucanchic huañuna punzhaca chayamushcami. Ñucanchic tucurina horasca pactashcami.

EZEQUIEL 12:23

Canca: “Mandac Diosca: Yuyachic shimicunataca chingachishami. Chaitaca cai Israel llactapica jaicapi mana rimangachu. Ashtahuanpish punzhacunaca ñami chayamushca, muscuipi shina ricushcapish tucuimi pactamushca.

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!