EZEQUIEL 7:16 - Dios Rimashcata Quillcashcami

¹⁶ Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

EZEQUIEL 7:16 Referans Kwoze

ISAÍAS 59:11

Tucui ñucanchicmi osocuna shina huacacunchic. Palomacuna shina, llaquillata huacacunchic. Cashcata ruhuachun shuyacucpica, pi cashcata ruhuacca mana tiyanchu. Quishpichicca ñucanchicmanta carupimi.

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

ISAÍAS 37:31

Judá llactapi puchushca gentecunamanta maijan saquirishcacunaca allpa ucupi sapi saquirishpa, huiñashpa cutin pucuc shinami miranga.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

JEREMÍAS 44:28

Jatun macanacuipi mana huañushcacunaca maijancunallami Egipto llactamanta Judá llactaman cutinga. Egipto llactaman shamushca gentecunaca paicunallatacmi ñuca rimashcacuna, mana cashpaca paicuna rimashca pactashcata ricunga.

JEREMÍAS 44:14

Puchushca Judá llacta gentecunaca Egipto llactapimi causangapac rirca. Chaicunamantaca shucllapish mana causac saquiringachu. Judá llactapi causangapac cutingapacca shucllapish mana saquiringachu. Paicunaca Judá llactaman cutishpa, causanatami yallita munan. Shina cashpapish, mana cuti pudingachu. Maijan miticushpa llucshiccunallami Judá llactamanca cutinga» nirca.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

SALMOS 55:2

Llaquihuan cashpa mañashcata uyashpa chashquiyari. Yallita llaquihuan cashpami yuyai illac shina cani.

JEREMÍAS 9:19

Sionmanta llaquirishpa huacashca uyarishpaca: «¡Tucuitami tucuchishca. Ñucanchic huasicunata tigrachishcami! Ñucanchic llactata shitashpa rinami canchic. ¡Yallita pingaichishcami canchic!» nishcami uyarirca.

EZEQUIEL 14:22

Chai pueblopica asha churicuna, ushicunallami saquiringa. Shina cacpipish, paicunataca llucchishpami apanga. Paicuna cancunapacman shamucpimi, paicuna ima shina causashcatapish, imata ruhuashcatapish ricunguichic. Chaita ricushpami, Jerusalenpi causaccunata ñuca ima shina llaquichishcamanta cushicunguichic.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.

NAHÚM 2:7

Jatun mandac huarmita prezu aparingami. Paita chashna prezu aparicpimi, paita servic huarmicunaca palomacuna shina huacashpa, yallita llaquirishpa, pechopi huataringa.

SOFONÍAS 1:14

Mandac Dios llaquichina punzhami ña shamucun. Chai punzhaca utcami chayamucun. Mandac Dios llaquichicui punzhaca jatun llaqui huacaimi canga. Chai punzhaca yalli sinchi runapish llaquinayaitami caparinga.

ISAÍAS 59:12

Ñucanchicca cambac ñaupapi yallitami mana cazushcanchic. Ñucanchicpac juchacunallatacmi ñucanchic mana alli cashcata ricuchin. Ñucanchicca millaita ruhuanataca mana saquishcanchicchu. Chaitaca yachanchicmi.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.