EZEQUIEL 6:6 - Dios Rimashcata Quillcashcami

⁶ Cancuna causana llactacunapish, lomacunapi tiyac altarcunapish chingachishcami canga. Cancunapac altarcunaca tucui polvoshca, ruhuashcalla dioscunaca paquishca, inciensota rupachina altarcunaca tucui chingachishcami canga. Shinallatac cancuna ima ruhuashcapish tucui chingachishcami canga.

EZEQUIEL 6:6 Referans Kwoze

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

MIQUEAS 1:7

Paicunapac rumi dioscunatapish ñutuchishami. Chai dioscunaman cushcacunataca ninapimi rupachisha. Chai dioscunataca tucui tucuchishpami shitashca pambata shina ruhuasha. Chaicunataca huainayac huarmicuna pagashca cullquihuanmi ruhuashca carca. Chaicunaca huainayac huarmicunallamantacmi cutinga» ninmi.

EZEQUIEL 5:14

Jerusalén, cantaca shitashca pambata ruhuashpami saquisha. Muyundi llactacunapi causaccunapish, chaita puriccunapish burlashpami asinga.

ISAÍAS 6:11

Shina nicpimi ñucaca: —Mandac Dioslla, ¿ima horacamantac chashna canguiyari?— nircani. Shina nicpimi paica: —Tucui llacta tucuricpi, shucllapish mana saquiringacaman, huasicunapi shuc runallapish mana tiyangacaman, allpacunapish shitashca saquiringacaman,

EZEQUIEL 6:4

Cancunapac altarcunatapish, inciensota rupachina altarcunatapish ñutuchishpami chingachisha. Runacunaca ruhuashcalla dioscunapac ñaupapimi huañunga.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

HABACUC 2:18

Artesano ruhuashca diosca, ¿imapactac valin? Yacuyachishpa ruhuashca diosca, ¿imapactac valin? Chai diosca llullamanmi apan. Imamanpish riccha, mana rimaric dioscunata ruhuacca, ¿ima shinatac chai dioscunapi shunguta churanga?

MIQUEAS 5:13

Rumimanta ruhuashca dioscunatapish, imaman ricchac dioscunatapish cancunapac chaupillapitacmi tucuchisha. Shina ruhuacpimi, cancuna ruhuashca dioscunapac ñaupapica mana ashtahuan cumuringuichic.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

OSEAS 10:2

Israelcunaca ishcai shungumi. Chaimantami cunanca juchanchishca canga. Mandac Diosmi paicunapac altarcunatapish, yanga dioscunatapish ñutuchishpa tucuchigrin.

EZEQUIEL 30:13

Cutinllatac Mandac Diosca: Menfis llactapi tiyac ruhuashcalla dioscunatapish, imaman riccha dioscunatapish tucuimi chingachisha. Egipto llactata mandacca tucuringami. Chai llactapica yalli manchaillami tiyanga.

EZEQUIEL 16:39

Cantaca paicunapac maquipimi churasha. Paicunami yanga dioscunatapish, alli nina lomacunatapish, altarcunatapish urmachishpa, cambac churanacunatapish, cambac ima alajacunatapish quichushpa, lluchullata saquinga.

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 17:3

jahua urcu pambacunapi tiyac altarcunatami yuyarin. Chashna juchata ruhuashcamantami cancunapac ima charishcacunatapish, ima sumaccunatapish shuhuaccuna apachun saquisha.

JEREMÍAS 10:22

Uyaichic, Judá llactapi tiyac tucui llactacunata shitashca pambata saquingapacmi jahua llactamanta manchanayaita caparishca uyarimun. Cai llactacunataca shitashca pambapi puric chacal animalcuna causanatami ruhuanga.

JEREMÍAS 9:19

Sionmanta llaquirishpa huacashca uyarishpaca: «¡Tucuitami tucuchishca. Ñucanchic huasicunata tigrachishcami! Ñucanchic llactata shitashpa rinami canchic. ¡Yallita pingaichishcami canchic!» nishcami uyarirca.

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

JEREMÍAS 2:15

Paicunata llaquichingapacca leoncunami huacashpa shamurca. Llactataca chushac pambatami saquirca. Llactacunata rupachishpami shuc runallatapish mana saquirca.

ISAÍAS 64:10

Cambaclla acllashca llactaca shitashcami siricun. Sión urcupish, Jerusalén llactapish shitashca pambami siricun.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

ISAÍAS 2:18

Ruhuashcalla dioscunatapish tucuimi anchuchishca canga.

ISAÍAS 1:31

Sinchi runapish tamo shinami tucunga. Pai imata ruhuashcaca uchupa shinami tucunga. Ishcaitatacmi rupachishca canga. Chai ninataca pi mana huañuchi pudingachu» ninmi.

SALMOS 115:8

Chaicunata ruhuaccunaca chai yanga dioscuna shinami. Chai dioscunapi shunguta churaccunapish, chaicuna shinallatacmi.

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

1 SAMUEL 5:4

Shinallatac cayandi tutamanta cutin yaicucpipish, Dagón diosca Mandac Diospac Arca ñaupapimi cutin urai singa urmashpa siricushca carca. Dagón diosca cungamanta uraillaman saquirishca carca. Paipac uma, rigracunaca paquirishpami pungu umbralpi siricushca carca.

EZEQUIEL 6:7

Huañushcacunapish cancunapac chaupillapitacmi urmanga. Chaita ricushpami, ñucataca Mandac Dios cashcata yachanguichic.

EZEQUIEL 12:19

Mandac Dios ñuca Israel llactapi causaccunatapish, Jerusalenpi causaccunatapish rimashpaca: “Micunataca llaquihuanmi micunga, yacutaca manchaihuanmi ubianga. Paicuna millaita ruhuashcamantami llactaca tucuchishca saquiringa.

EZEQUIEL 35:4

Llactacunatapish llaquinayaitami tucuchisha. Chaipimi ñucataca Mandac Dios cashcata yachangui.

1 REYES 14:23

Shinallatac lomacunapi, pangasapa yura ucucunapi, ruhuashcalla dioscunapac huasicunata, Asera huarmi diosman ricchacunatapish ruhuarcacuna.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

JEREMÍAS 51:18

Chai dioscunaca burlashpa asinami. Yalli llaqui punzhacunapica tucuchishcami canga.