EZEQUIEL 5:12 - Dios Rimashcata Quillcashcami

¹² Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

EZEQUIEL 5:12 Referans Kwoze

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

JEREMÍAS 15:2

Paicuna: “¿Maimantac rishunyari?” nicpica, Mandac Diosca: “Huañungapac caccunaca huañuchun. Jatun macanacuipi huañungapac caccunaca jatun macanacuipi huañuchun. Yarcaihuan huañungapac caccunaca yarcaihuan huañuchun. Prezurina caccunaca prezurichun” ninmi ningui.

EZEQUIEL 12:14

Paipac muyundipi causac paita ayudaccunatapish, paipac soldadocunatapish espadahuan llaquichishpami caita, chaita cachasha.

JEREMÍAS 21:9

Cai llactapi saquirishcacunaca jatun macanacuipi yarcaihuan, jatun ungüihuanmi huañunga. Ashtahuanpish caimanta llucshishpa, cancunapac muyundipi chapacuc caldeocunapacman maijanpish rishpaca causangami. Paicunapac maquipi yaicushpaca mana huañungachu.

EZEQUIEL 5:10

Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.

JEREMÍAS 44:27

Ñuca paicunaman ima allita ruhuanapac randica, llaquichingapacmi chaparacuni. Egipto llactapi causac Judá gentecunami jatun macanacuipi yarcaihuan huañushpa tucuringa.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

AMÓS 9:4

Paicunata piñaccuna prezushpa charicucpipish, espadahuan huañuchichunmi cachasha. Ñucaca paicunaman allita ruhuangapac ricunapac randica, llaquichingapacmi ricusha» nirca.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

EZEQUIEL 5:17

Chashnami yarcaitapish, piña animalcunatapish cachashpa, cancunapac huahuacunata tucuchisha. Chaipica ungüipish, yarcaipish, jatun macanacuipishmi tiyanga nini» nirca.

JEREMÍAS 42:22

Chaimanta cunanca caita alli yachacuichic. Chaica, cancuna causagrinata munashca llactapica, jatun macanacuipi yarcaihuan, jatun ungüihuanmi huañunguichic» nirca.

JEREMÍAS 9:16

Paicunatapish, paicunapac taitacunatapish mana ricsishca llactacunatami caita chaita cachasha. Paicunata catishpa, espadahuan huañuchishpa tucuchichunmi saquisha nini» ninmi.

DEUTERONOMIO 28:65

Chai llactapica mana samaringuichicchu. Chaqui plantapish mana samaringachu. Cancuna chaipi cacpica, Mandac Diosca cancunapac shungupica manchaitami churanga. Chaimantami llaquilla shungu puringuichic. Llaquilla ñahuicunami puringuichic.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

APOCALIPSIS 6:8

Chaimantaca shuc quillu caballotami ricurcani. Chai caballo jahuapi tiyacucpac shutica Huañui nishcami carca. Cutin paita catishpa llucshicca Ucu Pacha nishcami carca. Paicunaca cai pachata chuscupi chaupishca shuc parte gentecunata macanacuihuan, ungüicunahuan, yarcaihuan, shinallatac cai pachapi cac animalcuna canishcahuan huañuchic cana podertami chasquirca.

JEREMÍAS 13:24

Chaimantami cancunataca shitashca pambamanta shamuc huaira tamota caiman chaiman shitac shina shic-huasha.

JEREMÍAS 24:10

Paicunataca jatun macanacuipi, yarcaipi, mancharina ungüihuan llaqui tucuchunmi saquisha. Paicunamanpish, paicunapac ñaupa taitacunamanpish cushca llactapi tucuringacamanmi chashna llaquichisha» nirca.

EZEQUIEL 7:15

Canzhapica jatun macanacuimi tiyanga. Ucupica ungüipish, yarcaipish tiyangami. Campopi caccunaca jatun macanacuipi, pueblopi caccunaca yarcaihuan, ungüihuanmi huañunga.

EZEQUIEL 14:17

Jatun macanacuita cai llactapi callarichishpaca gentecunatapish, animalcunatapish tucuchimanmi.

EZEQUIEL 14:19

Mana cashpaca, ñuca yallita piñarishpa, jatun ungüita cai llactaman cachashpaca, gentecunatapish, animalcunatapish huañuchimanmi.

EZEQUIEL 33:27

Shinallatac: “Mandac Diosca: Ñuca shutipimi nini: Llaquinayaita tucuchishca pueblopi causaccunaca jatun macanacuipimi huañunga. Pambapi causaccunataca millai animalcunami micunga. Jatun pircahuan jarcashca llactacunapi, jatun jutcucunapi causaccunaca manchana ungüihuanmi huañunga.

EZEQUIEL 36:19

Shuctac llactacunaman shic-huashpa cachacpimi, caipi chaipi saquirircacuna. Paicuna ima shina causashca, imata ruhuashca shinami, taripashpa llaquichircani.

AMÓS 9:9

Israelcunataca tucui llactacunapi, harneropi shushuc shina ruhuachunmi mandasha. Chashna ruhuacpica, shuc granollapish mana allpaman urmangachu.

ISAÍAS 1:24

Chaimantami israelcunata sinchiyachic Mandac Diosca: «¡Ña chailla! ¡Cunanca ñucata piñaccunata llaquichishpatacmi cushicusha! Ñucata mana ricunayachiccunataca paicuna mana allita ruhuashca shinallatacmi llaquichisha.

JEREMÍAS 9:15

Chaimantami israelcunapac tucuita Mandac Dios ñucaca: Cai gentecunamanca ajenjotami caragrini. Shinallatac yacuhuan, venenohuan chapushpami ubiachigrini.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

JEREMÍAS 15:9

Canchis huahuayuc huarmica shungupi yallita llaquirishpami, huañunalla shina tucunga. Intica punzhapiracmi tutayanga. Pingaihuanmi cumuringa. Maijan saquirishcacunataca piñaccunapac ñaupapimi espadahuan huañuchichun churasha» ninmi.

EZEQUIEL 7:3

Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

EZEQUIEL 16:42

Shina ruhuashpami, ñuca yallita piñarishcataca pasachisha. Chaimantami canca ñucapaclla causangui. Chashnami ñuca samarisha.

EZEQUIEL 21:22

Chashna tapucpica, jatun mandacca paipac alli lado maquihuanmi Jerusalén ladota ricuchirca. Chaica macanacuchun, huañui tiyachun, caparinacuchun, pungu ladocunapi ariete nishcata shayachichun, macanacuna pushtucunata ruhuachun, muyundi torrecunata shayachichunmi ricuchirca.

EZEQUIEL 24:13

Canca millaita ruhuashpami mapayarcangui. Ñuca cambac mapata pichasha nicpipish, canca manatac munarcanguichu. Canta llaquichishpa, ñuca yallita piñarishcata pasachingacaman manatac chuyayanguichu.

EZEQUIEL 43:8

Israelcunaca paicunapac umbralcunatapish, pilarcunatapish ñuca huasi pungu umbral ladopi churashpami, ñuca jucha illac shutita yangapi churarca. Chaitaca, chai ladollapi shuc pircallata shayachishpami ruhuarca. Chaimantami ñucaca yallita piñarishpa tucuchircani.