EZEQUIEL 47:1 - Dios Rimashcata Quillcashcami

¹ Chaimantaca chai runaca Diospac huasi pungumanmi cutichimurca. Chaipica chai huasi pungu umbral ucumanta yacu llucshishpa, inti llucshina ladota ricuctami ricurcani. Diospac huasica inti llucshina ladomanmi carca. Chai yacuca Diospac huasi alli lado ucuta llucshishpami, altar ura ladota ricurca.

EZEQUIEL 47:1 Referans Kwoze

APOCALIPSIS 22:1

Chai quipaca chai angelmi causaita cuc, cristalman riccha callpacuc yacuta ricuchirca. Chai yacuca Diospacpish, Pactalla Ovejapacpish tiyarinamantami llucshicurca.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

JOEL 3:18

Chai punzhapica urcucunamantami mishqui vino llucshinga. Lomacunamantaca lechemi talliringa. Judá llactataca achca toma yacumi callpanga. Mandac Dios ñucapac huasimanta yacu llucshishpami, Sitim pugru pambata parcunga.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

EZEQUIEL 47:12

Cutin cai ishcai yacucuna patapica caishuc ladomanpish, chaishuc ladomanpish chican granocunata pucuc yuracunami huiñanga. Pangacunapish mana urmangachu, micunapish chai yuracunapica mana tucuringachu. Ashtahuanpish cada quillami mushuc granota pucunga. Chai yacucunaca Diospaclla huasimantami llucshicunga. Chaimantami chai yuracunapi granoca pucuna punzhacunallapitac pucunga. Granoca micungapac, pangacunaca jambiringapacmi alli canga.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

EZEQUIEL 41:2

Punguca pichca metro anchomi carca. Pungu quingraicunaca cada ladomi ishcai metro chaupi carca. Diospac huasi ucuca anchomanca chunga metro, largomanca ishcai chunga metromi carca.

ISAÍAS 30:25

Yallita huañui punzhapi torrecuna urmacpica, tucui urcu patamanta, jatun lomacunamantami jatun yacucunapish, ashalla yacucunapish llucshicunga.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

EZEQUIEL 46:24

Chaipica: «Cai huasipi servishpa causaccunaca Diosman cushca ofrendataca cai ucupimi yanunga» nirca.

EZEQUIEL 47:2

Chai quipaca jahua lado punguta llucchishpami, tucui muyundita pushashpa, inti llucshina lado punguman pusharca. Chaipimi ura ladomanpish yacu llucshicucta ricurcani.

ZACARÍAS 14:4

Chai punzhami Mandac Diosca Jerusalén chimbapuramanta inti llucshina ladoman cac Olivos urcu jahuapi sarunga. Chashna sarucpimi, chai urcuca inti llucshina ladomanpish, inti tigrana ladomanpish chaupiringa. Shina chaupiricpimi, chai urcu chaupica jatun pugru pamba tucunga. Chaupi urcuca jahua ladoman, caishuc chaupi urcuca ura ladomanmi saquiringa.

SALMOS 46:5

Diosmi chai pueblo chaupipi tiyacun. Chai pueblotaca pi mana cuyuchingachu. Tutamanta achicyanataca Diosmi ayudanga.

SALMOS 87:7

Tucui cantaccunapish, danzaccunapish rimashpaca: «¡Ñucanchicpish Sión pueblollamantami canchic!» ningacunami.

EZEQUIEL 40:6

Chai quipaca inti llucshina ladoman cac punguman rishpami, gradata huichicushpa, pungu umbralta medirca. Chai umbralca ishcai ladotami quimsa metro ancho carca.