EZEQUIEL 44:3 - Dios Rimashcata Quillcashcami

³ Ashtahuanpish shuc mandacllami Mandac Dios ñucapac ñaupapi micungapac tiyaringa. Paica churanata huacaichina punguta yaicushpaca, chaillatatacmi llucshinga» nirca.

EZEQUIEL 44:3 Referans Kwoze

EZEQUIEL 46:2

Mandacmi canzha pamba punguta yaicushpa, ucu canzha pungu umbral ladopi shayaringa. Paica ñucaman cushca animalta tucui rupachingacaman, ñucahuan alli tucungapac ofrendata cungacamanmi pungu umbral ladopi shayacunga. Quipaca pungu umbral jahuapi cungurishpa, Diosta adorashpami llucshinga. Ashtahuanpish chai punguca tutayangacamanmi pascashca canga.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

EZEQUIEL 34:24

Ñucaca paicunapac Diosmi casha. Ñucata servic Davidca paicunata mandacmi canga. Chaitaca Mandac Dios ñucami nini.

GÉNESIS 31:54

Chai quipami Jacoboca animalta urcupi huañuchishpa, paipac huasi ucupuracunaman carangapac cayarca. Tucui paicunami chaipi micushpa, chai tutaca pacarirca.

EZEQUIEL 40:9

Chai quipaca corredorman yaicuna pungutapish medircami. Cutin umbralca chuscu metromi carca. Chai pungu pilarcunaca shuc metro anchomi carca.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.

2 CRÓNICAS 34:31

Jatun mandacca pai shayarinallapitac shayarishpami, Mandac Diosta catingapac, pai mandashcacunata cazungapac, pai yachachishcacunata, rimashpa quillcashcacunata cazungapac, Dios nishca libropi tucui ima nicushcata tucui shunguhuan, tucui almahuan pactachingapac Diospac ñaupapi ari nirca.

ISAÍAS 62:9

Ashtahuanpish cancunallatac cosechashpa micushpami, Mandac Dios ñucataca alli ninguichic. Uvasta pallaccunami ñuca huasi canzha pambapi vinota ubianga» nirca.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

2 CRÓNICAS 23:13

Chaiman chayashpaca, jatun mandac Diospac huasiman yaicunapi shayacuc pilar ladopi shayacucta, shinallatac jatun mandacpac ladopica macanacuccunapish, trompetapi tocaccunapish shayacuctami ricurca. Chai llactapi causac tucui gentecunapish yallita cushicushpami shuccunaca bocinapi tocarcacuna. Cantaccunapish tocanacunapi tocashpa Diosta alli nishpa shayacuctami ricurca. Chaita ricushpami Ataliaca pai churarishcata lliquishpaca: «¡Ñucataca huashallami llucchishcacuna!» nishpa caparirca.

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

EZEQUIEL 46:12

Ashtahuanpish mandacca pai munashcamanta mashnata charishca shina animalta cushpa rupachigricucpi, Mandac Dios ñucahuan alli tucungapac ofrendata cugricucpica, inti llucshina lado pungutaca pascangami. Chaita yaicushpaca, samana punzhapi ruhuac shinallatac, animalta tucui rupachina shinallatacmi alli tucungapac ofrendata cunga. Pai chaita ruhuashpa, llucshishca quipaca pungutami huichcanga.

2 REYES 16:18

Asiria llactata jatun mandacpac ñaupapi alli ricuringapacmi samana punzhapi tandanacungapac Diospac huasipi ruhuashca corredortapish, jatun mandac yaicuna ñantapish anchuchirca.