EZEQUIEL 41:6 - Dios Rimashcata Quillcashcami

⁶ Diospac huasi ladopi cac ucucunaca quimsa altoyucmi carca. Cada altopimi quimsa chunga uchilla ucucuna tiyarca. Diospac huasi muyundipica ashalla pirca llucshishcami carca. Chai pirca ucucuna samachishpa racu caspicunata churashcami carca.

EZEQUIEL 41:6 Referans Kwoze

1 REYES 6:10

Shinallatac Diospac huasi tucui muyundipica ishcai metro ishcai chunga pichca centimetrota charic huasicunatami shayachirca. Chai huasica Diospac huasi pircapi cedro caspihuan jarcachishcami carca.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

EZEQUIEL 40:17

Chai quipaca huasi pungu canzha pambaman apacpimi, uchilla ucucunata ricurcani. Chaicunaca muyundita rumihuan llambucllata ruhuashcami carca. Chai pungu pamba muyundipica quimsa chunga ucucunami tiyarca.

EZEQUIEL 41:5

Chai quipaca Diospac huasi pircacunatami medirca. Chaica quimsa metro anchomi carca. Diospac huasi muyundipi cac uchilla ucucunaca ishcai metro anchomi carca.

EZEQUIEL 42:6

Chai quimsa altoyuc huasicunaca mana canzhapi tiyac huasicuna shina pilarcunata charircachu. Chaimantami callari altotapish, chaupipi tiyac altotapish atishpa, ashtahuan quichqui carca.