EZEQUIEL 41:12 - Dios Rimashcata Quillcashcami

¹² Inti tigrana ladoman cac canzhapica shuc jatun huasimi tiyarca. Chai huasica quimsa chunga pichca metro ancho, chuscu chunga pichca metro largomi carca. Pircaca ishcai metro chaupi anchomi carca.

EZEQUIEL 41:12 Referans Kwoze

EZEQUIEL 42:13

Chai runaca ñucataca: «Jahua lado, ura lado canzha pambapi cac huasicunaca Diospacllami. Chai huasicunapimi Mandac Diospacman cuchuyac curacunaca Diospaclla chicanyachishca ofrendacunata micunga. Chaipimi juchacunamanta cushcacunatapish, pandarishcamanta cushca animalcunatapish huacaichinga. Chai ucucunaca Diospaclla chicanyachishcami canga.

EZEQUIEL 42:10

Canzha pamba ñaupapi, Diospac huasi ñaupapica uchilla huasicunami tiyarca. Caicunaca ura ladomanmi carca.

EZEQUIEL 42:1

Chai quipami jahua lado canzha pambaman pushashpa, chai pamba ñaupapi tiyac uchilla huasiman pusharca. Chai huasica Diospac huasi jahua ladomanmi carca.

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.