EZEQUIEL 4:6 - Dios Rimashcata Quillcashcami

⁶ Ña chai punzhacunata pactachishca quipaca, alli ladoman siriringui. Shina siririshpaca, Judá llactapi causaccunapac juchacunata apangapacmi chuscu chunga punzhacunata siriringui. Israelcuna juchallishca cada huatamantami shuc punzhata llaquita apana cangui.

EZEQUIEL 4:6 Referans Kwoze

NÚMEROS 14:34

Chuscu chunga punzhapimi Canaán llactata ricushpa purinaca tucurirca. Chai shinallatacmi chuscu chunga punzhata llaquita apanguichic. Cancuna mana allita ruhuashcamantaca cada punzhamanta shuc huatatami llaquita apanguichic. Chaipimi ñucata mana cazuna ima shina cashcataca yachanguichic.

APOCALIPSIS 13:5

Chai manchana animalmanca Diosta piñashpa rimanata, shinallatac chuscu chunga ishcai quillata mandanatapish, curcami.

APOCALIPSIS 12:14

Ashtahuanpish chai huarmimanca culebramanta caruyashpa, shitashca pambapi causagrichunmi, aguilapac ishcai alasta volashpa richun curcacuna. Chaipimi quimsa huata chaupita Dios cushcata micushpa causacurca.

APOCALIPSIS 9:15

Shina nicpimi chuscu angelcunata cacharishpaca, cai pachapi causac gentecunata quimsapi chaupishcamanta shuc parteta huañuchichun cacharca. Chai angelcunaca chai pacha, chai punzha, chai quilla, chai huata huañuchichun nishcatacmi carca.