EZEQUIEL 32:2 - Dios Rimashcata Quillcashcami

² «Huañunalla runa, Egipto llactata jatun mandac Faraón llaqui tucunamanta llaquipi cantanata cantashpa: “Canca shuctac llactacunapacca león shinami cangui. Mama cuchapi causac dragón shinami cangui. Canca jatun yacucunatapish cuyuchircanguimi. Chaquihuanmi callpacuc yacucunata mapayachishpa, yacu patataca turuyachircangui.

EZEQUIEL 32:2 Referans Kwoze

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

EZEQUIEL 27:2

«Huañunalla runa, Tiro llacta llaqui tucunamanta llaquipi cantana cantota cantai.

EZEQUIEL 38:13

Sabá, Dedán llactacunapi causaccunapish, Tarsis llactamanta randishpa catushpa causaccunapish, tucui mandaccunapish cantaca: ‘¿Ima charishcacunata quichungapacchu shamurcangui? ¿Cullquitapish, curitapish, animalcunatapish, tucuita apangapacchu, cai tucui gentecunahuan shamurcangui?’ ningami” ningui.

EZEQUIEL 34:18

Cancunaca, ¿manachu alli quihuata micucushpapish, saquirishcataca sarushpa mapayachinguichic? Shinallatac, ¿manachu chuyanlla yacuta ubiashpapish, chaquihuan cuyuchishpa mapayachinguichic?

EZEQUIEL 32:16

Caica, llaquipi cantana cantomi. Shuctac llactapi causac huarmicunami Egipto llactamantapish, chaipi causaccunamantapish cantanga. Chaitaca Mandac Dios ñucami nini” ninmi ningui» nirca.

EZEQUIEL 28:12

«Huañunalla runa, Tiro llactata jatun mandac llaqui tucunamanta llaquipi cantana cantota cantashpa: “Mandac Diosca: Canca tucuimanta yalli alli, mana pandaric, yallita yachacmi carcangui.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

ISAÍAS 27:1

Chai punzhami Mandac Diosca dragontapish pilluric culebratapish, leviatán culebratapish paipac manchana espadahuan huañuchinga. Mama cuchapi tiyac manchana animalcunatapish huañuchingami.

EZEQUIEL 32:18

«Huañunalla runa, ¡Egipto llactapi causaccuna llaqui tucunamanta llaquipi cantana cantota cantai! Paicunatapish, sinchi llactacunapi causac huarmicunatapish, huañushcacunahuan pacta Seolman cachai.

EZEQUIEL 27:32

Canmanta llaquipi cantana cantota cantashpaca: ‘Mama cucha chaupipi cac Tiro llacta shinaca, ¿pitac tiyarcayari?’ ningami.

JEREMÍAS 46:8

Egipto llacta gentecunaca jatun Nilo yacu shinami miramun. Paicunaca: “Huichai rishpa, tucui llactata tapashpami, llactapi causaccunatapish tucuchishun” nincuna.

JEREMÍAS 9:18

¡Ñucanchicmanta huacangapac utca shamuichic! Ñucanchic ñahuimantaca huiquimi yallita llucshinga. Ñucanchic ñahuimantaca yacu tucyac shinami shutunga.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

NÚMEROS 24:9

León samarishpa siricuc shinami. Mama león sueñushpa siricucpica, ¿pitac ricchachingayari? ¡Paicunata bendiciaccunaca bendiciashca cachun! ¡Cutin paicunata maldiciaccunaca maldiciashca cachun!» nirca.

GÉNESIS 49:9

Ñuca huahua Judalla, canca huahua león shinami cangui. Micushpaca jatun león shinami, aicha cuchullapitac sirirircangui. Chaipica, ¿pitac chayaringayari?

SAN MATEO 7:24

Maijanpish cai nishcata uyashpa cazucca, shuc alli yuyaiyuc, sinchi rumi allpapi huasichic runa shinami.

JOB 7:12

Ñucata cuidachun churachunca, ¿Ñucaca mama cuchachu cani? ¿Mana cashpaca mama cuchapi tiyac manchana animalchu cani?

PROVERBIOS 25:26

Cashcata ruhuac runa Diosta mana manchac runapac ñaupapi urmashpaca, tucyac yacu turuyashca, jundu yacu mapayashca shinami.

JEREMÍAS 46:7

¿Pitac jatun Nilo yacu shina huacyashpa shamucun?

EZEQUIEL 26:17

Can llaqui tucushcamanta llaquipi cantana cantota cantashpaca: “¡Alli nishca llactalla, ima shinatac chingarircanguiyari! ¡Mama cucha muyundi pueblopi causac achca gentecuna causanami carcangui! Mama cucha muyundipi causaccunapac manchanami carcangui. Chaipi causaccunatapish, muyundipi causaccunatapish manchachishpami causarcangui” ningui.

EZEQUIEL 29:15

Shuctac jatun llactacunahuan chimbapuracpica, yangalla llactami canga. Ña mana shuctac llactacunata llaquichingapac jataringachu. Ashtahuanpish ñucami paicunataca shuctac llactacunata ama mandashpa causachun, ashallata saquisha.

JOB 41:23

Paipac aichapish rumiyashca shina maita mana cuyuripac yallita sinchimi.

PROVERBIOS 30:30

Tucui animalpurapica leonmi ashtahuan sinchi. Paica imata ricushpapish mana huashaiman cutinchu.