EZEQUIEL 32:10 - Dios Rimashcata Quillcashcami

¹⁰ Can urmacpica, achca gentecunami mancharishpa, yuyai illac saquiringa. Ñuca espadata paicunapac ñaupapi llucchicpica, jatun mandaccunapish yallita mancharingami. Chai llaquichi punzhapica mancharishpa, ñalla ñallami chucchunga.

EZEQUIEL 32:10 Referans Kwoze

EZEQUIEL 27:35

Chashna llaqui tucushcata ricushpami, mama cucha ladopi cac llactacunapi causaccunapish, jatun mandaccunapish mancharishpa chucchunga. Paicunapac ñahuicunapish, cera tucushpami saquirin.

EZEQUIEL 26:16

Jatun llaquita uyashpaca, mama cucha patapi causac jatun mandaccunapish mandashpa tiyanamanta anchurishpami, jahualla churanatapish, bordashca churanatapish llucchinga. Chaimantaca duelo churanata churarishpami, allpa jahuapi tiyarishpa chucchucunga. Chashnami can llaqui tucushcamantaca tucunga.

APOCALIPSIS 18:10

Paita llaquichicushcata ricushpa, manchaihuan carupi saquirishpaca: «¡Tucuimanta yalli jatun pueblolla! ¡Aij, aij, cungaillami canta llaquichina pachaca chayamun!» ningacunami.

ZACARÍAS 11:2

Ciprés yuralla, cedro yura urmashcamanta, jatun yuracuna urmashcamanta huacaiyari. Basán llactapi encina yuracunapish caparishpa huacaichicyari. Quichqui yuracunaca urmashcami.

EZEQUIEL 30:9

Chai huatacunapica huillaccunami barcocunapi imatapish mana manchac Etiopía llactata manchachingapac ringa. Egipto llactata llaquichicpi, mancharishca shinallatacmi mancharinga. ¡Chai punzhaca ñami chayamun!

JEREMÍAS 51:9

Babilonia llactata jambisha nircanchicmi. Shina cacpipish, mana alliyarcachu. Paicunapac juchata taripashpa llaquichinaca jahua puyucaman, jahua pachaman jundashcami. Chaimanta paicunata saquishpa, ñucanchic llactacunaman jacuchiclla.

1 REYES 9:8

Sumac nishpa charishca cai huasitaca urmashcata ricushpami, maijanpish mancharinga. Chaita ricushpa, burlashpa asishpaca: “Mandac Diosca, ¿ima nishpatac cai llactatapish, cai huasitapish chashna llaquichinyari?” ningacunami.

DEUTERONOMIO 32:41

Ñucapac jagan nicuc espadata mulashpa ñuca maquihuan alzashpa cashcata ruhuacushpami ñucata piñaccunataca paicuna llaquichishca shina llaquichisha.

DEUTERONOMIO 29:24

Chaita tucui llactacunapi causaccuna tapushpaca: “¿Imamantatac Mandac Diosca cai llactataca cashna ruhuarca? ¿Imamantatac Diosca nina japiric shina piñarirca?” ningami.

ISAÍAS 30:32

Mandac Dios macashpa, llaquichicucpica, tamborcunapi, arpacunapi tocashcami uyaringa. Jatun macanacuipica Mandac Diosmi macanacunga.