EZEQUIEL 3:21 - Dios Rimashcata Quillcashcami

²¹ Cashcata ruhuac runa juchata ama ruhuachun, can rimacpi, pai juchata mana ruhuashpaca causangami. Ashtahuanpish canca mana juchanchishcachu cangui» nirca.

EZEQUIEL 3:21 Referans Kwoze

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

SANTIAGO 5:20

chai pandarishpa causacuc juchayuc almata huañuimanta quishpichinmi. Shinallatac Diosca achca juchacunatapish perdonangami. Chaitaca yuyarinami canguichic.

TITO 2:15

Cai ñuca nishcacunataca poderhuan yachachingui, cunangui, shinallatac mana allita ruhuaccunataca sinchita rimangui. Ama pi canta mana alli nishpa rimachun saquinguichu.

1 CORINTIOS 4:14

Mana cancunata pingaichingapacchu caicunataca quillcanchic, ashtahuanpish ñuca cuyashca huahuacunata cunac shinami cashna rimani.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

SALMOS 19:11

Canta servic ñucaca chai shimicunahuanmi cunashca cani. Chaicunata cazucpica sumac japinami tiyan.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

PROVERBIOS 17:10

Alli yuyaiyuc runa rimashcaca yuyai illac runata patsac cutin azotishcatapish yalli allimi.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

1 CORINTIOS 10:12

Chaimanta pipish ama “allimi cani” nichun, pacta pairac urmanman.

EZEQUIEL 33:9

Can chai runata millaita ruhuanata saquichun rimacpipish, mana cazushpa huañushpaca, paipac juchamantami huañunga. Ashtahuanpish canca mana huañunguichu” ningui» nirca.