EZEQUIEL 27:12 - Dios Rimashcata Quillcashcami

¹² Can tucuilayata charicpimi, Tarsispi causaccunaca cullquihuan, fierrohuan, estañohuan, plomohuan plazacunapi randingapac shamurca.

EZEQUIEL 27:12 Referans Kwoze

EZEQUIEL 38:13

Sabá, Dedán llactacunapi causaccunapish, Tarsis llactamanta randishpa catushpa causaccunapish, tucui mandaccunapish cantaca: ‘¿Ima charishcacunata quichungapacchu shamurcangui? ¿Cullquitapish, curitapish, animalcunatapish, tucuita apangapacchu, cai tucui gentecunahuan shamurcangui?’ ningami” ningui.

ISAÍAS 23:10

Tarsis llactapi causaccunalla, cancunapac barcocuna shayarinaca ña mana tiyanchu. Chaimanta jatun yacu Nilo patapi chagracunata ruhuagrichic.

1 REYES 10:22

Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

GÉNESIS 10:4

Javanpac churicunaca: Elisa, Tarsis, Quitim, Dodanimmi carca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

EZEQUIEL 27:18

Can tucuilayata charishcamantami Damasco gentecunapish canhuan randishpa, catushpa causac carca. Paicunaca Helbón llactamanta vinohuan, yurac millmahuanmi randic carca.

EZEQUIEL 27:16

Canca yallitami charircangui. Chaimantami Edom llacta gentecunapish canhuan randishpa, catushpa causac carca. Paicunaca perlascunata, yana puca telacunata, bordashca churanacunata, tucuimanta yalli alli lino telacunata, coralta, rubíes rumicunata apashpami, randingapac shamuc carca.

JEREMÍAS 10:9

Paicunaca Tarsis llactamantaca cutashca cullquita, Ufaz llactamantaca curitami apamun. Shina apamucpimi, cullquita yacuyachic runaca allichishpa shuc diosta ruhuan. Chashna ruhuashpa, azul, yana, puca churanata churachin. Tucui chaicunaca yachac runacuna ruhuashcallami.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 23:14

Tarsis llactamanta jatun barcocunata purichiccunalla, caparishpa huacaichicyari. Cancunapac sinchi torrecunaca tucurishcami.

ISAÍAS 23:6

Tarsis llactaman richic. Tucui mama cucha patapi causaccunalla huacaichicyari.

ISAÍAS 2:16

Tarsis llactamanta jatun barcocunata, sumacta pintashca barcocunatapish llaquichina punzhami chayamugrin.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

1 REYES 22:48

Josafatca Tarsis llacta jatun barcocuna shinatacmi Ufir llactamanta curita apamungapac jatun barcocunata ruhuarca. Shina cacpipish, chai barcocunaca mana rircachu. Ashtahuanpish Ezión-geber llactapimi paquirishpa tucurirca.

APOCALIPSIS 18:12

Chai catunacunaca curi, cullqui, sumac rumicuna, perlascunami carca. Shinallatac valishca lienzo, seda, morado, puca pañocunami carca. Shinallatac tucuilaya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

EZEQUIEL 27:11

Arvad llacta soldadocunami pirca jahuapica muyundita shayacurca. Gamad llacta runacunami torre jahuapica shayacurca. Paicunapac escudocunataca muyundi pircapimi huarcurca. Chaicunahuanmi sumaimana carcangui.

EZEQUIEL 27:13

Grecia, Tubal, Mesec llacta gentecunahuanmi randishpa, catushpa causarcangui. Paicunaca gentecunahuan, broncemanta ruhuashcacunahuanmi randic carca.

EZEQUIEL 27:33

Cambac jatun barcocunapi apashca catunacunaca achca gentecunatami cushichirca. Jatun mandaccunapish, cambac charishcahuan, can catushcacunahuanmi yallita charicyarca.

EZEQUIEL 28:5

Catunata, randinata alli yachashpami, yallita chayucyarcangui. Chaimantami cambac shungupica jatun tucushcangui.

EZEQUIEL 28:16

Yallita catushpa, randishpa causashpami yalli mana allita ruhuashpa juchallircangui. Cuidac querubinmi cantaca Mandac Dios ñucapaclla urcumantapish, nina rupacuc rumi chaupimantapish anchuchirca.

2 CRÓNICAS 9:21

Jatun mandac Salomonpac jatun barcocunaca Hiramta serviccunahuan, Tarsis llactaman rishpami, chai barcocunapi curita, cullquita, marfilta, monocunata, pavo realcunata cada quimsa huatapi shuc cutin apamuc carca.