EZEQUIEL 26:7 - Dios Rimashcata Quillcashcami

⁷ Mandac Dios ñucaca: Tiro llactata llaquichichunca, jahua Babilonia llactata jatun mandac Nabucodonosortami pushamusha. Paica jatun mandaccunatapish jatun mandacmi. Paimi achca caballocunahuan, carretacunahuan, caballopi ric soldadocunahuan, achca runacunahuan shamunga.

EZEQUIEL 26:7 Referans Kwoze

DANIEL 2:37

Jatun mandaclla, canca jatun mandaccunatapish mandacmi cangui. Chaica, jahua pacha Diosmi, llactata mandanatapish, fuerzatapish, mandangapac yuyaitapish canman curca.

ESDRAS 7:12

«Jatun mandaccunata mandac Artajerjesmi: Jahua pachapi causac Dios mandashcata alli yachac quillcac Esdras curataca sumac causaita charingui nini.

EZEQUIEL 23:24

Canta llaquichingapacca, jahua ladomantami macanacuna carretacunata, micunata apac carretacunata apashpa, muyunacushpa shamunga. Chashnami jatun escudocunahuan, uchilla escudocunahuan, umapipish fierro churanata churarishca cambac ladopi shayaringa. Paicunaca ñuca llaquichichun cachacpimi, paicunapac mandashcacunapi nishca shina cantaca taripashpa llaquichinga.

OSEAS 8:10

Chashna alquilashca cacpipish, ñucami tandachisha. Asha huatacunallatami jatun mandacca llashac cargata apachic shina llaquichinga.

DANIEL 2:47

Shinallatac jatun mandacca Danieltaca: —Cancunapac Diosca, dioscunapac Diosmi, jatun mandaccunapac Jatun Mandacmi. Pipish mana yachashcata ricuchinmi. Chaimantami pipish mana yachashcata canca huillangui— nirca.

JEREMÍAS 52:32

Chashna llucchishpami, sumacta Joaquinhuan rimashpa, shuctac llactacunamanta Babilonia llactaman apashca tucui jatun mandaccunamanta yalli allipi churarca.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

ISAÍAS 10:8

Paica: “Ñuca churashca mandaccunaca, ¿manachu tucui jatun mandaccuna?

EZEQUIEL 28:7

shuctac llactamanta alli sinchi, millai runacunata cachasha. Paicunami espadata llucchishpa, can alli yachac cashcatapish, can sumac cashcatapish yangata ruhuashpa tucuchinga.

EZEQUIEL 26:3

Chaimantami Mandac Dios ñucaca: Tiro llactahuanca piñarishcami cani. Ñucami canta llaquichichun llactacunata cachagrini. Paicunaca mama cucha jatarishpa shamuc shinami tucuchinga.

EZEQUIEL 17:14

Chaica Jerusalenta mandaccuna ama cutin jatarishpa mandachun, paihuan ari nishcata pactachishpa, cumurishpa causachunmi chashnaca ruhuarca.

JEREMÍAS 25:22

Tiro, Sidón llactacunata jatun mandaccunamanpish, mama cucha ladopi tiyac tucui llactacunata jatun mandaccunamanpish curcanimi.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.