EZEQUIEL 26:5 - Dios Rimashcata Quillcashcami

⁵ Mama cucha chaupipi tiyac linchicunata chaquichina pamba shinami tucunga. Ima tiyashcacunataca shuctac llacta gentecunami quichushpa apanga. Mandac Dios ñucami nini.

EZEQUIEL 26:5 Referans Kwoze

EZEQUIEL 29:19

Chaimantami Mandac Dios ñucaca: “Egipto llactataca Babilonia llactata jatun mandac Nabucodonosorpac maquipimi churani. Paimi chai llactapi imalla tiyashcacunatapish, macanacushpa quichumushcacunatapish tucuita japishpa, paipac soldadocunaman cunga.

EZEQUIEL 47:10

Shinallatac challuata japiccunapish chai yacu ladopimi canga. En-gadi llactamantaca En-eglaim llactacamanmi linchicunata tendinga. Mama cuchapi shinami tucuilaya achca challua tiyanga.

EZEQUIEL 27:32

Canmanta llaquipi cantana cantota cantashpaca: ‘Mama cucha chaupipi cac Tiro llacta shinaca, ¿pitac tiyarcayari?’ ningami.

EZEQUIEL 26:19

Mandac Dios ñucaca: Canca pipish mana causana llactacuna shinami, llaquinayaita shitashca saquiringui. Mama cuchamanta yacuta cachashpami cantaca tucuchisha.

EZEQUIEL 25:7

Chaimantami ñuca maquita alzashpa cancunata llaquichisha. Cancuna imata charishcatapish quichushpa apachunmi, shuctac llactacunapac maquipi churasha. Cancunataca llactacunapac chaupimanta, pueblo chaupimanta llucchishpami tucuchisha. Shina ruhuacpimi, ñucataca Mandac Dios cashcata yachanguichic nini.

EZEQUIEL 26:14

Llambuclla rumita shinami saquisha, linchicunata tendina pambata shinami saquisha. Jaicapi mana llacta tucunguichu. Chaitaca Mandac Dios ñucami nini.