EZEQUIEL 26:13 - Dios Rimashcata Quillcashcami

¹³ Chashnami cantaccunatapish, arpapi tocaccunatapish tucuchisha. Chaicunaca jaicapi mana uyaringachu.

EZEQUIEL 26:13 Referans Kwoze

JEREMÍAS 7:34

Judá llactapi tiyac llactacunapipish, Jerusalén ñancunapipish cushicushpa yallita asinapish mana tiyangachu. Shinallatac noviocuna, noviacuna cushicushpa asinapish mana tiyangachu. Tucui llactacunami llaquinayaita tucuchishca canga» ninmi.

ISAÍAS 23:16

Cullquimanta huainayac cungarishca huarmilla, canta tucui yuyarichunca cambac arpata japishpa sumacta tocashpa, cutin cutin cantashpa, tucui llactata muyuiyari.

JEREMÍAS 25:10

Paicunapurapica cushicushpa asinapish, cantanapish, cushicuihuan caparinapish, noviocuna, noviacuna cushicushpa cantanapish mana tiyangachu. Cutana rumi huacashcapish mana uyaringachu. Luzpish mana tiyangachu.

JEREMÍAS 16:9

Israelcunapac tucuita Mandac Dios ñucaca: Cai llactapica cushicushpa yallita asinapish mana tiyangachu. Shinallatac noviocuna, noviacuna cushicushpa cantanapish mana tiyangachu. Chashnami cancuna causacui punzhapi, cancunapac ñaupapi tucunga nini.

ISAÍAS 14:11

Canca alli nishca cashpapish, arpacunapi tocac cashpapish Seolmanmi urai shamushcangui. Caipica cambac cama shinaca curucunami. Cutin cata shinaca cuicacunami.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

EZEQUIEL 28:13

Canca ñucapac Edén huertapimi carcangui. Canca cornerina, topacio, diamante, crisólito, ónice, jaspe, zafiro, turquesa, berilo tucuilaya sumac rumicunahuan allichishca churanahuami carcangui. Cambac churana esquinacunapi tiyac zarcillocunaca curimi carca. Can callarishca punzhamanta pachami chashna allichishca carcangui.

ISAÍAS 23:7

¿Cai llactachu ñaupa huatacunamanta pacha yallita cushicuc llacta? ¿Manachu chai llactapi causaccunaca chaquillahuan rishpa, caru llactacunapi causagriccuna carca?

ISAÍAS 22:2

¡Sinchita caparishpa, ima shinapish cushicuc gentecunalla! Caipi causaccunaca espadapi, mana jatun macanacuipichu huañurca.

ISAÍAS 5:12

Jatun micuita ruhuashpa, vinota ubiashpa, arpacunapi, salteriocunapi, tamborcunapi, flautacunapi tocashpami, Mandac Dios ruhuashcataca mana ricuncuna, mana yuyarincuna.

SALMOS 137:2

Ñucanchic arpacunataca sauce yura chaupicunapimi huarcuc carcanchic.

ISAÍAS 23:12

Cutinllatac paica: «Sidón llactapi llaquichishca carihuan mana chayarishca solteracunalla, ña mana ashtahuan cushicunguichu. Quitim llactaman pasangapac jatarichicyari. Chaipipish mana samaringuichu» nirca.