EZEQUIEL 26:12 - Dios Rimashcata Quillcashcami

¹² Ima charishcacunatapish, ima catushcacunatapish quichushpami apanga. Pircacunatapish urmachishpami, sumac huasicunatapish tucuchinga. Rumicunatapish, caspicunatapish, ñuto allpatapish yacu chaupipimi shitanga.

EZEQUIEL 26:12 Referans Kwoze

ISAÍAS 23:8

Coronata churachic, catushpa, randishpa puriccuna causana Tiro llactataca, ¿pitac chashna llaquichinata yuyarishcayari? Paicunaca tucui catungapac, randingapac alli nishcami carca.

AMÓS 5:11

Huacchacunata llaquichishpami, impuestotaca carga trigota japircanguichic. Chaimanta labrashca rumicunahuan ruhuashca huasipipish, mana causanguichicchu. Sumac uvas chagrata charishpapish, mana vinota ubianguichicchu.

2 CRÓNICAS 32:27

Ezequiasca yallita chayuc cashpapish, alli nishcapishmi carca. Paica achca curita, cullquita, sumac rumicunata, mishquilla ashnacucta, escudocunata, shuctac alaja charinacunatapish charircami.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

NAHÚM 2:9

¡Cullquitapish, curitapish apaichiclla! ¡Chai tucui sumac charishcacunaca, mashnata apacucpipish, mana tucurinchu!

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

DANIEL 11:8

Chashnami chaipi tiyac dioscunatapish, imaman riccha dioscunatapish, shinallatac cullquimanta, curimanta ruhuashca sumaccunatapish Egiptoman apanga. Chashna ruhuashpaca maijan huatacunatami jahua lado llactata mandac-huanca macanacushpa causanga.

EZEQUIEL 28:8

Canca manchana jutcumanmi urai ringui. Chashnami mama cucha chaupipi huañuccuna shina huañungui.

EZEQUIEL 26:5

Mama cucha chaupipi tiyac linchicunata chaquichina pamba shinami tucunga. Ima tiyashcacunataca shuctac llacta gentecunami quichushpa apanga. Mandac Dios ñucami nini.

JEREMÍAS 25:34

¡Michiccuna yallita llaquirishpa huacaichicyari! ¡Achca ovejacunata shina, sinchita mandaccuna, llaquirishpa ñuto allpapi singüichicyari! Chaica, cunan punzhami cancunapac cungata pitinapish, caita chaita cachanapish pactashca. Sumac vasota paquic shinami tucuchinga.

ISAÍAS 32:12

Sumacta pucuc pambacunamanta, alli uvas chagracunamanta pechopi huactarishpa huacaichicyari.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

JEREMÍAS 52:14

Tucui paipac soldadocunahuanmi Jerusalén muyundi jatun pircacunataca tucui urmachirca.