EZEQUIEL 22:12 - Dios Rimashcata Quillcashcami

¹² Maijanca huañuchingapacmi cullquita japin. Cullquita mañachishpapish yalli interestami japin. Shuccunata llaquichinguimi. Ñucataca cungarircami. Chaitaca Mandac Dios ñucami nini.

EZEQUIEL 22:12 Referans Kwoze

EZEQUIEL 23:35

Chaimantami Mandac Dios ñucaca: Canca ñucata cungarishpa huashata ricuchircanguimi. Chashna mana alli yuyaihuan purishpa, huainayashcamantami llaquishca cana cangui” nini» nirca.

DEUTERONOMIO 27:25

Cutin: “¡Mana faltayuc runata huañuchingapac cullquita japicca, llaqui tucushca cachun!” nicpica, tucui gentecunami: “¡Chashna cachun!” ninga.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

EZEQUIEL 18:8

Cullquita mañachishpapish interestaca mana japinchu. Pitapish mana millaita ruhuanchu. Runacunapura piñanacucucpipish, cashcata ruhuashpami allichin.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

SALMOS 106:21

Egiptopi mancharinacunata ruhuac, quishpichic Diostami cungarircacuna.

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

DEUTERONOMIO 23:19

Huauquiman cullquita, micunata, ima shuctac mañachishpaca, interesta cobraccuna shina ama cobranguichicchu.

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.

1 TIMOTEO 3:3

mana machac, piñanacunatapish mana munac, cullquita charingaraicu ima mana allitac mana ruhuac, chaipac randica pitapish llaquic, ima piñanacui tiyacpipish allichic,

1 CORINTIOS 6:10

shuhuaccunapish, charinallata munaccunapish, machaccunapish, llaqui tucuchun niccunapish, crichishpa shuhuaccunapish, Dios mandacucpica mana yaicungacunachu.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

SAN LUCAS 3:13

Chashna tapucpimi Juanca: —Impuestotaca japina cashcallata cobraichic— nirca.

SAN MATEO 23:25

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca vasotapish, platotapish jahuallatami jahuanguichic. Ucupica shuhuana yuyai, chayucyana yuyai jundami canguichic.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

PROVERBIOS 1:19

Ima shinapish chayucyanata munaccunataca chai charishcallatacmi causaita quichun.

NEHEMÍAS 5:7

Shina cacpipish, quipata yuyarishpami alli nishcacunatapish, mandaccunatapish rimashpaca: —Cancunaca quiquin huauquicunamanta interesta cobrashpaca, mana allitachu ruhuanguichic— nircani. Chai quipami paicunata rimangapac,

NEHEMÍAS 5:1

Chai punzhacunapimi caricunapish, huarmicunapish Judá llactapi causac paicunapac huauquicunahuan piñarirca. Chaimantami

DEUTERONOMIO 32:18

Cancunata ruhuac jatun Rumi shina, Diostami cungarircanguichic.

LEVÍTICO 19:13

Shuccunata ama llaquichinguichu, ama shuhuanguichu. Trabajac runaman cunataca ama cayami cusha nishpa charicunguichu.

EZEQUIEL 36:12

Ucucunapica ñuca acllashca israelcunatami purichisha. Israel urcucunaca cancunaman cushcami canga. Huahuacunatapish ña mana cutin huañuchinguichu.

LEVÍTICO 25:37

Cullquita mañachishpapish ama interesta cobranguichu. Ima micunata catushpapish ama yallipi catunguichu.

ISAÍAS 17:10

Chaica, jatun Rumi shina pacac, quishpichic Diosta mana yuyarishpa, cungarishcamantami chashnaca tucunga. Chaimantami cancuna shuctac llactamanta sumac yuracunata apamushpa tarpunguichic.

JEREMÍAS 6:13

Paicunapurapica uchilla huambracunapish, yuyaccunapish chayucyanallatami munan. Huillac runacunapish, curacunapish llullashpami umaccuna.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

AMÓS 8:4

Cai llactapica imata mana chariccunata, huacchacunata llaquichiccuna caita uyaichic.

AMÓS 8:6

Huacchacuna mana pagai pudishpaca ñucanchicta serviccunami tucunga. Imata mana chariccunaca ushutamantami ñucanchicta servic tucunga. Lanchashca trigotapish catushunmi» ninguichicmi.