EZEQUIEL 20:3 - Dios Rimashcata Quillcashcami

³ «Huañunalla runa, pushac yuyaccunataca: “Mandac Diosca: ¿Ñucamanchu tapuc shamunguichic? Mandac Dios ñuca shutipimi nini: ¡Cancuna tapushcataca mana cutichishachu!” ninmi ningui.

EZEQUIEL 20:3 Referans Kwoze

MIQUEAS 3:7

Chaimantami huillaccunapish, adivinocunapish pingaihuan yuyai illac saquiringa. Ñucaca paicuna mañashcataca mana uyashachu. Chaimantami shimita taparinga» ninmi.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

SAN JUAN 4:24

Diosca Espiritumi. Chaimantami paita mañacca Diospac Espíritu yuyaita cucpi, ima shina mañana cashca shina mañancuna— nirca.

SAN LUCAS 3:7

Achca gentecunami bautizarisha nishpa shamurca. Juanca paicunataca: —¡Culebrapac huahuacuna! ¿Pitac Dios piñarishpa, cachashca llaquimanta quishpirinata huillarca?

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

ISAÍAS 1:12

Animalcunata ñucapac ñaupaman apamushpa ñuca huasi punguta saruchichunca, ¿pitac mañarcayari?

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.

EZEQUIEL 20:2

Chaipimi Mandac Dios ñucata rimashpaca:

EZEQUIEL 33:30

Huañunalla runa, cambac llacta gentecunaca pirca ladocunapi, huasi pungucunapi shayarishpami cantaca burlashpa asinga. Paicunaca caishuc chaishucmi: “¡Mandac Dios imata huillashcata uyangapac shamuichic!” nincunami.

AMÓS 8:12

Ñuca rimashcata uyanata munashpami, shuc mama cuchamantaca caishuc mama cuchaman, ura ladomantaca inti tigrana ladoman puringa. Shina purishpapish mana taringachu.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

EZEQUIEL 14:1

Israelcunata pushac yuyaccunapuramanta ñucapacman shamushpa, ñuca ñaupapi tiyacucpi,