EZEQUIEL 18:4 - Dios Rimashcata Quillcashcami

⁴ Riquichic, taitapish, churicunapish ñucapacmi. Maijanpish juchayuc runami huañunga.

EZEQUIEL 18:4 Referans Kwoze

EZEQUIEL 18:20

Maijanpish quiquin juchamantami huañunga. Churica taitapac juchamantaca mana huañungachu. Shinallatac taitapish churipac juchamantaca mana huañungachu. Cashcata ruhuac runaca allitami japinga. Mana allita ruhuac runaca llaquitami apanga.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

NÚMEROS 16:22

Shina nicpimi, Moisespish, Aaronpish pambacaman cumurishpaca: —Mandac Dioslla, tucuiman causaita cucmi cangui. ¿Shuclla runalla juchallishcamantachu tucuihuan piñarigringui?— nirca.

HEBREOS 12:9

Ñucanchic taitacunaca, ñucanchic mana allita ruhuacpica, llaquichicmi carca. Chaipica, cazucmi carcanchic. Chashna cashpaca, ¿ima nishpatac jahua pacha ñucanchic Diostaca mana cazushunyari? Chashna cazushpami huiñaita causashun.

ZACARÍAS 12:1

Mandac Diosca israelcuna ima tucunamantami huillan. Jahua pachatapish, cai pachatapish ruhuac, runamanpish samaita cuc Mandac Diosca:

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

ISAÍAS 42:5

Jahua pachatapish, cai pachatapish, chaipi tiyaccunatapish ruhuac, cai pachapi causaccunamanpish causaita cuc, cai allpapi puriccunaman samaita cuc Mandac Diosca:

NÚMEROS 27:16

—Mandac Dioslla, canca tucui causaita chariccunapac Diosmi cungui. Cai gentecunata pushachunca shuc runata churaiyari.

2 REYES 14:6

Ashtahuanpish Moisés mandashpa, quillcashca shinallatacmi chai huañuchiccunapac churicunataca mana huañuchirca. Mandac Diosca Moisestaca: «Churicunapac juchacunamantaca mana taitacuna huañungachu. Shinallatac taitacunapac juchacunamantapish mana churicuna huañungachu. Ashtahuanpish maijan cashpapish quiquin juchamantami huañunga» nishpa mandarca.

JOB 21:20

¡Paipac ñahuillahuantacmi paipac llaquitaca ricunga! Tucuita ruhuac Dios yallita piñarishcataca ubiac shinami chasquinga.

ISAÍAS 57:16

Ñucaca mana huiñaita piñarishpa, llaquichicushallachu. Chashna cacpica, ñuca ruhuashca runacunaca shungu tutayashpa ñuca ñaupapi tucuringami.

JEREMÍAS 31:30

Ashtahuanpish maijan jayac uvasta micushpaca, paillatacmi quiruta nanachinga. Shinaca maijanpish quiquin juchamantami huañunga» ninmi.

EZEQUIEL 18:3

Mandac Dios ñuca shutipimi nini: ¡Israel llactapica cai rimaicunataca ña mana ashtahuan rimanguichicchu!

EZEQUIEL 18:5

Cashcata ruhuac runaca, allitami ruhuan. Chaimantami

EZEQUIEL 33:8

Ñuca, ñucata mana manchac runata: ‘¡Ñucata mana manchashcamantaca huañunguitacmi!’ nicpipish, can chai runata millaita ruhuanata saquichun mana rimacpica, chai runaca paipac juchamantami huañunga. Shina cashpapish paipac yahuarmantaca canmi juchanchishca cangui.

DEUTERONOMIO 24:16

Taitacunaca mana churicunapac juchamantaca huañungachu. Churicunapish mana taitacunapac juchamanta huañungachu. Ashtahuanpish quiquin juchamantaca, quiquinllatacmi huañunga.

JOB 8:4

Cambac huahuacunami, paita mana cazushpa juchallishca. Chaimantami paicuna japina cashca shinallatac llaquichishca.

EZEQUIEL 3:18

Ñuca, ñucata mana manchac runata: “Huañunguitacmi” nicpipish, can chai runa millai ruhuanata saquishpa, causaita charichun mana rimacpica, chai runaca paipac juchamantami huañunga. Ashtahuanpish pai huañushcamantaca cantami juchanchisha.