Biblia Todo Logo
Bib sou entènèt

- Piblisite -




EZEQUIEL 11:9 - Dios Rimashcata Quillcashcami

9 Cancunataca cai pueblomanta llucchishpami, caru llacta runacunapac maquipi churasha. Chashnami cancunataca llaquichisha.

Gade chapit la Kopi




EZEQUIEL 11:9
22 Referans Kwoze  

Chaimantami Mandac Dios ñucaca cancunahuan piñarircani. Ñucallatacmi cancunataca tucui llactacunapi causaccunapac ñaupapi llaquichisha.


Shuctac llactapi causac gentecunaman cucpimi chaipi causac gentecunaca paicunataca cumurichishpa causarcacuna.


Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.


Cambac huasicunatapish rupachingami. Achca huarmicunapac ñaupapimi cantaca llaquichinga. Shina llaquichicpimi, huainayanatapish, cuyashcacunaman paganatapish saquingui.


Chashna shamushpaca, tucui mana allita ruhuaccunata taripashpa, paicuna mana allita ruhuashcamanta, shinallatac paicuna Diosta piñachishpa, millaillata rimashcamanta taripashpa llaquichingapacmi shamurca» nishcami.


Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.


Runa Tucungapac shamushca ñuca paipac Churi cashcamantami, taripachun ñucaman poderta curca.


Egipto llactataca cashcata ruhuashpami llaquichisha. Shina ruhuacpimi, ñucataca Mandac Dios cashcata yachangacuna» nirca.


Ñucaca nina japiric shina yallita piñarishpami llaquichisha. Cancunata yallita llaquichichunmi millaita ruhuac runacunaman cusha.


Cantaca huainayac huarmicunata, huañuchiccunata ima shina llaquichinata mandashca shinami taripashpa llaquichisha. Cantaca ñucapaclla causachun munashpami, yallita piñarishpa llaquichisha.


Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.


Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.


Babilonia llactata jatun mandacca Sedequiaspac churicunataca paipac ñaupallapitacmi huañuchirca. Judá llactata mandaccunatapishmi Babilonia llactata jatun mandacca huañuchichirca.


Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.


Chashna huañui caticpimi, Finees jatarishpa, millaita ruhuac runataca huañuchirca. Chaimantami mana ashtahuan huañurcacuna.


Shinallatac mana faltayuc gentecunata huañuchishcamantapishmi, chashnaca ruhuarca. Mana faltayuc gentecunapac yahuarca Jerusalenpimi jundarca. Chaimantami Mandac Diosca mana perdonasha nirca.


Jerusalenmanta Babilonia llactaman prezu cachashcacuna Mandac Dios rimashcata uyaichic.


Chaimantami, Mandac Dios ñucaca: Cai llacta chaupipi cac huañushcacunaca aicha shina, cutin cai puebloca manga shinami canga nini. Shina cacpipish, cancunataca cai llactamanta llucchishami.


Ñucanchic ñaupa taitacuna causai punzhamanta cunan punzhacamanmi yallita juchata ruhuashpa causashcanchic. Chashna mana allita ruhuashcamantami ñucanchicpish, jatun mandaccunapish, curacunapish shuctac llacta mandaccunapac maquipi causashcanchic. Prezu apashca, espadahuan llaquichishca, ima charishcacunatapish quichushca, pingaichishcami cunan punzhacaman causanchic.


Swiv nou:

Piblisite


Piblisite