EZEQUIEL 11:12 - Dios Rimashcata Quillcashcami

¹² Chashna ruhuacpimi, ñucataca Mandac Dios cashcata yachanguichic. Cancunaca ñuca mandashcacunata mana cazushpami purircanguichic. Pactachichun mandashcacunatapish mana cazushpami causarcanguichic. Ashtahuanpish cancunapac muyundi llactacunapi causaccuna shinami causarcanguichic nini” ninmi ningui» nirca.

EZEQUIEL 11:12 Referans Kwoze

EZEQUIEL 8:10

Chaiman yaicushpaca, pirca quingrai muyundipi pambata llucashpa puric animalcunatapish, mapa animalcunatapish, israelcunapac dioscunatapish dibujashca tiyacuctami ricurcani.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.

EZEQUIEL 8:14

Chai quipaca Mandac Diospac huasiman yaicuna jahua lado pungumanmi pusharca. Chaipica huarmicuna Tamuz diosmanta huacacuctami ricurcani.

DANIEL 9:10

Mandac Dioslla, can mandashca shina causangapacmi, can ima nishcata huillac canta servic canmanta huillacpica, mana cazushcanchic.

EZEQUIEL 20:24

Paicunaca ñuca imata ruhuachun nishcacunatapish, ñuca mandashcacunatapish mana cazurcachu, samana punzhatapish yangapi churashpami, paicunapac taitacunapac ruhuashcalla dioscunata yuyarishpa causarca.

EZEQUIEL 20:21

Ashtahuanpish paicunapac churicunaca ñucataca mana cazurcachu. Causaita cuc ñuca mandashcacunatapish, imata ruhuachun nishcacunatapish mana pactachircachu. Samana punzhatapish yangapimi churarca. Chaimantami ñuca piñarishpa, shitashca pamballapitac tucuchinata yuyarcani.

EZEQUIEL 20:16

Paicunallatacmi ñuca imata ruhuachun nishcacunatapish, mandashcacunatapish mana cazushpa, samana punzhatapish yangapi churashpa, paicunapac ruhuashcalla dioscunatarac yuyarishpa causarca.

EZEQUIEL 18:9

Ñuca mandashcacunatapish quillcachishcacunatapish tucuita pactachishpami causan. Paica cashcata ruhuac cashcamantami mana huañunga. Chaitaca Mandac Dios ñucami nini.

EZEQUIEL 11:21

Ashtahuanpish ruhuashcalla dioscunata adorana yuyaihuan, millaita ruhuana munaihuan puriccunataca, taripashpami llaquichisha nini” ninmi ningui» nirca.

JEREMÍAS 10:2

Paica: «Shuctac llacta gentecuna ruhuashcataca ama yachacuichicchu. Jahua pachapi ima señalcuna ricuricpi, shuctac llactapi causaccuna mancharicucpipish, cancunaca ama mancharinguichicchu.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

SALMOS 78:10

Dios-huan ari nishcata mana pactachircacunachu. Pai mandashcacunatapish mana cazurcacunachu.

NEHEMÍAS 9:34

Ñucanchicta jatun mandaccunapish, ñucanchic curacunapish, ñucanchic ñaupa taitacunapish, can cushca mandashcacunataca, mana pactachircacunachu. Can mandashca shimicunata, ima shina causachun yachachishcacunata huillacpipish, mana uyarcacunachu.

ESDRAS 9:7

Ñucanchic ñaupa taitacuna causai punzhamanta cunan punzhacamanmi yallita juchata ruhuashpa causashcanchic. Chashna mana allita ruhuashcamantami ñucanchicpish, jatun mandaccunapish, curacunapish shuctac llacta mandaccunapac maquipi causashcanchic. Prezu apashca, espadahuan llaquichishca, ima charishcacunatapish quichushca, pingaichishcami cunan punzhacaman causanchic.

2 CRÓNICAS 36:14

Shinallatac curacunata tucui mandaccunapish, tucui gentecunapish ashtahuanmi mana allita ruhuashpa catircacuna. Shuctac llactapi causaccuna shinallatacmi mana allita ruhuashpa Mandac Diospac huasita mapayachirca. Chai huasitaca Mandac Diosllatacmi paipaclla cachun Jerusalenpi chicanyachishca carca.

2 CRÓNICAS 28:3

Ben-hinom pugru pambapipish inciensota rupachircami. Paica israelcunapac ñaupamanta llucchishpa cachashca millaita ruhuac gentecuna shinallatacmi, paipac churicunata chai dioscunaman rupachirca.

2 CRÓNICAS 13:9

¿Manachu Mandac Diospac curacunata, Aaronpac huahua huahuacunata, levitacunataca cancuna llucchishpa cacharcanguichic? Chashna llucchishpa cachashpami, curacuna cachunca, shuc llactapi causac gentecuna shinallatac pitapish churarcanguichic. Shuc becita, canchis cari ovejata cushpaca, mana dioscunapac cura tucungapac shamuchunmi, chashnaca ruhuarcanguichic.

2 REYES 21:22

Paipac ñaupa taitacunapac Mandac Diosta saquishpami, Mandac Diospac ñanmanta anchurirca.

2 REYES 21:2

Mandac Diospac ñaupapica mana allitami ruhuashpa causarca. Israelcunapac ñaupamanta Mandac Dios llucchishpa cachashca gentecuna ruhuashca shinallatacmi millanayai juchacunata ruhuashpa causarca.

2 REYES 18:12

Paicunata Mandac Diosta mana cazushcamanta, Dios-huan ari nishcata yangapi churashcamanta, Mandac Diosta servic Moisés mandashcacunatapish mana ruhuashcamanta, mana uyashcamantami chashnaca tucurcacuna.

2 REYES 16:3

Ashtahuanpish Israel llactata jatun mandaccuna shinallatacmi, jatun millana juchata ruhuashpa causarca. Israelcunapac ñaupamanta Mandac Dios llucchishpa cachashca gentecuna shinallatacmi Acazca paipac churita rupachirca.

1 REYES 11:33

Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

LEVÍTICO 26:40

Paicunapac, shinallatac paicunapac taitacunapac mana allita ruhuashcata, ñucata mana cazushpa paicuna munashcata ruhuashcata huillangacuna.

LEVÍTICO 18:3

Cancuna causashca Egiptopi causaccuna shina, shinallatac cancuna causagricushca Canaán llactapi causaccuna shina, ama ruhuanguichicchu. Ama paicunapac mandashcacunata catinguichicchu.

EZEQUIEL 18:8

Cullquita mañachishpapish interestaca mana japinchu. Pitapish mana millaita ruhuanchu. Runacunapura piñanacucucpipish, cashcata ruhuashpami allichin.

2 REYES 21:9

Ashtahuanpish paicunaca mana uyarcacunachu. Manasesca Mandac Dios israelcunapac ñaupamanta tucuchishca gentecunatapish yalli mana allitami ruhuashpa causarca.

NEHEMÍAS 9:33

Canca imatapish cashcata ruhuashpami, ñucanchictaca llaquichircangui. Canca imatapish allitami ruhuarcangui. Ñucanchicca mana allitami ruhuarcanchic.

EZEQUIEL 5:6

Ashtahuanpish, muyundi llactacunapi causaccunamanta, muyundipi causaccunamanta yallimi ñuca ruhuachun nishcacunataca mana cazushpa, mana manchashpa causarca» nirca.