EZEQUIEL 10:3 - Dios Rimashcata Quillcashcami

³ Chai runa yaicucpica, querubincunaca Diospac huasi ura ladopimi carca. Shinallatac ucupi tiyac canzha pambapica puyumi jundarca.

EZEQUIEL 10:3 Referans Kwoze

EZEQUIEL 43:4

Mandac Diospac sumaimana achic nicucca inti llucshina lado punguta shamushpami, Diospac huasimanca yaicurca.

EZEQUIEL 9:3

Israelcunata Mandac Diospac sumaimana achic nicucca querubinpac jahuamanta anchurishpami, Diospac huasi umbralpi tiyaringapac huichai rirca. Chaimantaca lino churanata churarishca, quillcana tintata cinturapi apashca runatami Mandac Diosca cayarca.

EZEQUIEL 8:16

Chaimantaca Mandac Diospac huasi ucu canzha pambamanmi pusharca. Chaipica Mandac Diospac huasiman yaicuna punguhuan altarhuan tupanacuipi ishcai chunga pichca runacunatami ricurcani. Paicunaca Mandac Diospac huasita huashaman churashpa, inti llucshic ladota ricushpami cumurishpa, intita alli nicurca.

GÉNESIS 3:24

Runata llucchishpaca, Edén huerta inti llucshina ladomanmi querubincunata churarca. Shinallatac huiñai causaita cuc yurapi ama pi chayarichunca, chai muyunditami rupacuc shuc espadata cuidachun churarca.

EZEQUIEL 8:3

Chai runaca maquita chutashpami, ñuca uma accha jahuapi churarca. Chaipimi Diospac Espirituca muscuipi shina, cai pachamanta jahuaman alzashpa, ñucataca Jerusalenman aparca. Chashna pushashpaca, jahua ladoman cac ucu yaicunallapimi shayachirca. Chaipimi Mandac Dios mana ricunayachishca ruhuashcalla dios tiyacushca carca.

EZEQUIEL 46:1

Mandac Diosca: Inti llucshina ladoman cac ñucapac huasi ucu pambaman yaicuna punguca sucta punzhacamanmi huichcashca canga. Ashtahuanpish samana punzhapi, llullu quilla punzhapimi pascashca canga.

ÉXODO 25:18

Querubincunata curita martillohuan huactashpa, ruhuashpa ishcai ladopi churangui.