ÉXODO 9:22 - Dios Rimashcata Quillcashcami

²² Mandac Diosca Moisestaca: —Tucui Egipto llactapi causac gentecunapi, animalcunapi shinallatac tucuilaya sacha yuracunapi rundu tamyachun, cambac maquita huichaiman alzai— nirca.

ÉXODO 9:22 Referans Kwoze

APOCALIPSIS 16:21

Jahua pachamantaca shuc quintal shina llashac runducunami tucui gentecunapac jahuapi urmarca. Shina urmashpa yallimana llaquichicpimi, gentecunaca Diosta piñashpa rimarcacuna.

ÉXODO 8:16

Chaimantami Mandac Diosca Moisestaca: —Aarontaca: “Tucui Egipto llactapi piliscuna jundachun, varahuan ñuto allpapi huactai” ningui— nirca.

ÉXODO 8:5

Mandac Diosca Moisestaca: —Aarontaca yacu jahuata, cucha jahuata, tucyac yacu jahuata, paipac varata chutachun mandai. Chashna chutacpica, tucui Egipto llactapimi sapocunaca jundaringa— nirca.

ÉXODO 7:19

Mandac Diosca Moisestaca: —Aaronta: “Cambac varata japishpa, tucui Egiptopi tiyac yacucunapi, jatun yacucunapi, toma yacucunapi, jundu yacucunapi, cucha yacucunapi maquita jahuata chutangui. Shina ruhuacpica, yahuarmi tucunga. Tucui Egipto llacta yacucunapish, caspi vasocunapi shinallatac rumi vasocunapi tiyac yacucamanmi yahuar tucunga” ningui— nirca.

ÉXODO 9:21

Cutin maijancunaca Mandac Dios nishcata mana crishpami, paicunapac serviccunatapish, animalcunatapish mana yaicuchircachu.

ÉXODO 10:21

Mandac Diosca Moisestaca: —Tucui Egipto llactapi yalli pura tucuchun, maquita huichaiman alzai. Chai purataca maquihuanpish tuparinallami canga— nirca.

JOSUÉ 10:11

Israelcunamanta miticushpa, Bet-horón pueblomanta urai rina ñanman callpacucpipish, Mandac Diosca jahua pachamanta rundu shina rumicunata Azeca pueblocamanmi paicunapac jahuapi urmachirca. Shina urmachicpimi, chai runacunaca tucui huañurca. Israelcuna espadahuan huañuchishcatapish yallimi chai rundu rumicuna urmashpa huañuchirca.