ÉXODO 9:16 - Dios Rimashcata Quillcashcami

¹⁶ Ashtahuanpish ñuca imatapish ruhuai pudic cashcata ricuchingapac, cai pachapi causaccunaman ñuca pi cashcata ricuchingapacmi mana chashna tucuchircani.

ÉXODO 9:16 Referans Kwoze

ROMANOS 9:17

Dios quillcachishcapica Egipto llactata jatun mandactaca: «Canpi ñuca poderta ricuchingapac, tucui llactacunapi ñuca shutita ricsichingapacmi, jatun mandac cachun churarcani» nishcami.

PROVERBIOS 16:4

Mandac Diosca shuc yuyaihuanmi tucuita ruhuashca. Diosta mana manchac runatapish llaquichina punzhapi llaquichingapacmi ruhuashca.

SALMOS 64:9

Chashna ruhuacpimi, tucui gentecuna manchashpa Dios ima ruhuashcata huillangacuna. Shina huillacpimi, pai ruhuashcataca entendingacuna.

1 CRÓNICAS 16:24

Pai sumaimana cashcataca, tucui llactacunapi cantaichic. Pai allicunata ruhuashcataca, tucui gentecunaman huillaichic.

ÉXODO 14:17

Ñucami Egipto runacunapac shunguta sinchiyachisha. Chashna ruhuacpimi, cancunata catishpa, cuchaman yaicunga. Chashna yaicucpimi, Faraontapish, paipac soldadocunatapish, tucui paipac carretacunapi tiyaccunandi tucuchishpa, ñuca jatun cashcata ricuchisha.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

1 PEDRO 2:8

Shinallatac: «Cai rumipimi mitcarishpa urmangacuna» ninmi. Paicunaca Dios rimashcata mana cazushcamantami mitcarincuna. Paicunaca chashna tucuchun nishcami cancuna.

ROMANOS 9:22

Chai shinallatacmi Diosca piñashpa tucuchina cacpipish, mana llaquichishpa, pai llaquichic cashcatapish, poderyuc cashcatapish ricuchin.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

ÉXODO 18:11

Cunanmi, Mandac Diosca tucui dioscunamanta ashtahuan jatun cashcata yachani. Jatun tucushpa, cancunata llaquichiccunatami llaquichishca— nirca.

ÉXODO 14:4

Ñucami cancunata catichun, Faraonpac shunguta sinchiyachisha. Chaimantami Faraontapish, paipac tucui soldadocunatapish tucuchishpa, ñuca jatun cashcata ricuchisha. Shina ruhuacpimi, Egipto runacunaca ñucataca Mandac Dios cashcata yachanga» nirca. Chashna nicpica, paicunaca chashnami ruhuarcacuna.

1 PEDRO 2:19

Dios munashca shina causacushpa, manapish llaquichina cacpi llaquichishca cashpaca, Diospac ñaupapica allitami ruhuanguichic.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

1 SAMUEL 4:8

¡Aij ñucanchiclla! ¿Chai Diospac sinchi maquimantaca pitac cacharichingayari? Chai Diosmi Egiptopi causaccunataca shitashca pambapi tauca plagacunahuan llaquichirca.

ÉXODO 9:15

Ñucaca cantapish, cambac llactapi causaccunatapish mancharina llaquihuan llaquichicpica, ñami illanguichicman carca.

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

NEHEMÍAS 9:10

Faraontapish, paita serviccunatapish, chai llactapi tucui causaccunatapish, ima ricuchinacunata, mancharinacunata ruhuashpami llaquichircangui. Canca israelcunata yallita llaquichicucta ricushpami chashna llaquichircangui. Chaita ruhuashpami, tucui ricsishca tucushcangui.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

SALMOS 106:8

Shina cacpipish, Diosca tucuita ruhuac cashcata ricuchingapacmi paipac shutita cuyashpa quishpichirca.

JEREMÍAS 32:20

Canmi Egiptopica pi mana ruhuaipaccunata, mancharinacunata ruhuarcangui. Cunancamanmi Israel llactapipish, tucui runacunapurapipish chaicunataca ruhuacunguirac. Cunan punzhapi ricushca shinallatacmi, tucuipac alli nishca cangui.

EZEQUIEL 39:21

Chai shinami ñuca podertaca shuctac llactacunapi causaccunaman ricuchisha. Shina ruhuacpimi, tucui llactapi causaccunaca ñuca ima shina taripashpa, llaquichic cashcata yachangacuna.

NÚMEROS 14:21

Ñuca shutipimi nini. Ñuca causacushca shinallatacmi ñucapac sumaimana achicca cai pachapipish jundami can.

JOSUÉ 4:24

Cai pachapi tucui causaccuna Mandac Diosca imatapish ruhuaclla cashcata yachachun, shinallatac cancunapish cancunata Mandac Diosta tucui causaipi manchashpa causachunmi chashna ruhuarca” ninguichic» nirca.

2 SAMUEL 7:23

Shinallatac can acllashca Israel llacta shinaca, ¿maijan llactatac cai pachapica tiyanyari? Cai llactataca paicunaman allita ruhuashpa, tucuiman ricsichingapacmi huatashca shina causacucmanta cacharichircangui. Canca llactapi causaccunatapish, chaipi tiyac dioscunatapish llucchishpa cachashpaca, jatun mancharinacunata ruhuashpami Egiptomanta cambaclla cachun llucchimurcangui.

2 REYES 19:35

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadocunata huañuchirca. Cayandi tutamanta jatarishpaca, tucui huañushca siricuctami ricurca.