ÉXODO 8:23 - Dios Rimashcata Quillcashcami

²³ Ñuca acllashcacunataca cambac llactapi causaccunamanta chicanyachishami. Cayami chai ricuchinataca ricuchisha’ ninmi” ningui— nirca.

ÉXODO 8:23 Referans Kwoze

ÉXODO 8:22

Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

ÉXODO 8:24

Mandac Diosca chashnami ruhuarca. Chuspicunaca puyu shina shamushpami, Faraonpac, paita serviccunapac, tucui Egiptopi causaccunapac huasipipish jundarca. Chashnami tucui Egipto llactapi jundarca.

ÉXODO 3:18

Shina nicpica, israelcunata pushac yuyaccunaca uyangallami. Chaimanta paicunahuan Egipto llactata jatun mandacpacman rishpa: “Ñucanchic israelcunata Mandac Diosmi ricurirca. Quimsa punzhata purishpa, ñucanchic Mandac Diosman animalta cushpa rupachigrichun saqui” nishpa mañangui.

ÉXODO 9:5

Mandac Diosca ima hora llaquichinata huillashpaca: —Cayami chashnaca llaquichisha— nirca.

ÉXODO 10:4

Paicunata mana cacharicpica, cayallatami langostacunata tucui cambac llactapi jundachisha.

2 REYES 7:1

Chaimantami Eliseoca: —Mandac Dios huillashcata uyaichic. Paica: “Caya, cai horasllatacmi Samaria pueblo yaicunapica canchis seah alli harinata shuc siclos cullquillapi, chunga pichca seah cebadataca shuc siclos cullquillapi randina tiyanga” ninmi— nirca.