ÉXODO 8:22 - Dios Rimashcata Quillcashcami

²² Chashna cacpipish, chai punzhallatacmi ñuca acllashcacuna causana Gosén llactata chicanyachishpa, chaimanca shuc chuspillapish mana yaicuchun saquisha. Chashna ruhuacpimi, cai llactapica Mandac Dios ñuca causacushcata yachanguichic.

ÉXODO 8:22 Referans Kwoze

ÉXODO 9:4

Shina cacpipish, israelcunapac animalcunataca Egipto runacunapac animalcunamanta chicanyachishami. Israelcunapac animalcunaca shucllapish mana huañungachu’ ninmi” ningui— nirca.

MALAQUÍAS 3:18

Chashna ruhuacpimi, cashcata ruhuac-huan, juchayuc-huan chican cashcata, shinallatac Mandac Dios ñucata servic-huan, mana servic-huan chican cashcata yachanguichic» ninmi.

ÉXODO 10:23

Quimsa punzhacamanmi caishuc chaishucpish mana ricui pudircacuna. Shinallatac maiman mana cuyuri pudirca. Ashtahuanpish israelcunaca sumac achicpimi puricurca.

EZEQUIEL 30:19

Egipto llactataca cashcata ruhuashpami llaquichisha. Shina ruhuacpimi, ñucataca Mandac Dios cashcata yachangacuna» nirca.

ÉXODO 9:6

Cayandi punzhaca Mandac Diosca pai nishca shinami ruhuarca. Egipto tiyac animalcunaca tucuimi huañurca. Ashtahuanpish israelcunapac animalcunaca shucllapish mana huañurcachu.

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

ÉXODO 12:13

Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

ÉXODO 9:29

Shina nicpimi Moisesca: —Cai llactamanta llucchishcahuanmi maquita huichaiman alzashpa, Mandac Diosta mañasha. Chashna mañacpica, relampapish jarcaringami, rundupish mana urmangachu. Chashna tucucpimi, cai allpaca, Mandac Diospac cashcata yachangui.

ÉXODO 9:26

Israelcuna causana Gosenllapica ima rundu, mana urmarca.

ÉXODO 8:10

Shina nicpimi Faraonca: —Cayallata mañashpa cui— nirca. Shina nicpimi Moisesca: —Ñucanchicta Mandac Diosca, pai shina pi shuctac mana tiyashcata yachachunca, can nishca shinallatacmi ruhuanga.

ÉXODO 7:17

Mandac Diosca: ‘Cunanmi ñuca pi cashcata yachangui’ ninmi. Ñuca maquipi charicuc varahuan yacupi huactacpica, yacuca yahuarmi tucunga.

SALMOS 74:12

Shina cashpapish Dioslla, ñaupa punzhacunamantami ñuca jatun mandac cangui. Canmi cai pachapica jatun macanacuita atishpa quishpichic cangui.

ÉXODO 7:5

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

ÉXODO 8:21

Ñuca acllashcacunata mana cacharicpica, cantapish, canta serviccunatapish, cambac gentecunatapish chuspicunahuanmi yallita llaquichisha. Chai chuspicunami cambac huasicunapipish, Egiptopi causac gentecunapac huasipipish, tucui llactacunapipish yallita jundanga.

ÉXODO 8:23

Ñuca acllashcacunataca cambac llactapi causaccunamanta chicanyachishami. Cayami chai ricuchinataca ricuchisha’ ninmi” ningui— nirca.

ÉXODO 19:5

Cancuna ñuca nishcata cazushpa, ñucahuan ari nishcata pactachishpaca, tucuimanta yalli valishca ñucapaclla gentecunami canguichic.

ÉXODO 20:11

Ñucaca Mandac Diosmi cani. Ñucaca sucta punzhapimi jahua pachatapish, cai pachatapish, mama cuchatapish, chaipi tucui ima tiyashcatapish ruhuarcani. Ashtahuanpish canchisniqui punzhapica samarircanimi. Chaimantami ñucaca chai punzhataca bendiciashpa, ñucapacllata ruhuarcani.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.