ÉXODO 8:19 - Dios Rimashcata Quillcashcami

¹⁹ Chaimantami brujocunaca Faraontaca: —¡Caicunaca Dios ruhuashcami!— nirca. Shina nicpipish, Faraonca Mandac Dios nishca shinallatacmi sinchi shungu tucushpa, mana cazurca.

ÉXODO 8:19 Referans Kwoze

SAN LUCAS 11:20

Ashtahuanpish ñucaca Diospac poderhuanmi supaicunata llucchishpa cachani. Chashna ruhuashpaca, cancunapurapi Dios mandai callarishcatami ricuchicuni.

SALMOS 8:3

Jahua pachata ricushpaca quillatapish, lucerocunatapish cambac maquihuan ruhuashcatami ricuni.

SAN MATEO 12:28

Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.

ÉXODO 7:5

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

HECHOS 4:16

parlanacushpaca: —Cai runacunataca, ¿imatatac ruhuanchic? Paicuna mancharina milagrocunata ruhuashcataca, Jerusalenpi causaccunapish tucuimi alli yachancuna. Chaitaca mana negai pudinchicchu.

SAN JUAN 11:47

Shina huillacpi, curacunata mandac curacunapish, fariseocunapish mandaccunapura tandanacushpaca: —Chai runataca, ¿imatatac ruhuanchic? Paica tauca milagrocunatami ruhuacun.

DANIEL 2:19

Chashna huillacpimi, pi mana huillai pudishcata Danielman tuta muscuipi shina ricuchirca. Chaimantami Danielca jahua pacha Diosta alli nishpaca:

1 SAMUEL 6:9

Shina saquishpaca caitami alli ricuna canguichic: Carreta aisashca vacacuna Bet-semes puebloman rina ñanta Israel llactaman ricpica, Diosllatac llaquichicushcatami yachashun. Ashtahuanpish mana chai ñanta ricpica, mana paipac poderhuan llaquichicushcata, ashtahuanpish cai llaquicunaca imapish llaquicuna cashca shinatami yachashun— nirca.

1 SAMUEL 6:3

Shina nicpimi paicunaca: —Israelcunapac Diospac Arcata saquingapac rishpaca, mana chashnallachu saquigrina canguichic. Ashtahuanpish cancunapac juchamanta imallatapish cunami canguichic. Chaita ruhuashpami chai ungüimantaca alli tucunguichic. Shinallatac cancunata llaquichinataca imamanta mana saquishcatapish yachanguichic— nirca.

ÉXODO 10:7

Chaita uyashpami, Faraonta serviccunaca: —¿Ima horascamantac cai runaca ñucanchictaca llaquichishpa catigrin? Cai runacunata paicunapac Mandac Diosta servigrichun cachai. Tucui Egipto tucuricushcataca, ¿manachu ricungui?— nirca.

ÉXODO 7:4

Faraonca cancuna nishcataca mana uyangachu. Shina cacpipish, Egiptopi causaccunataca ñuca maquihuan llaquichishpami llucchisha. Ñuca acllashca israelcunataca sumacta tandachishpami llucchisha.

ÉXODO 7:13

Chaita ricushpapish Faraonca Mandac Dios nishca shinallatacmi mana uyasha nishpa, sinchi shungu tucurca.

GÉNESIS 41:24

Chai ñañuyashca trigo umacunami caishuc sumac umacunata micurca. Chai muscushcataca yachaccunaman huillarcanimi. Ashtahuanpish chai muscushca imata nisha nicushcataca mana pi huillarcachu— nirca.

ÉXODO 9:4

Shina cacpipish, israelcunapac animalcunataca Egipto runacunapac animalcunamanta chicanyachishami. Israelcunapac animalcunaca shucllapish mana huañungachu’ ninmi” ningui— nirca.

ÉXODO 9:26

Israelcuna causana Gosenllapica ima rundu, mana urmarca.

ÉXODO 10:23

Quimsa punzhacamanmi caishuc chaishucpish mana ricui pudircacuna. Shinallatac maiman mana cuyuri pudirca. Ashtahuanpish israelcunaca sumac achicpimi puricurca.

ÉXODO 11:7

Chashna cacpipish, israelcunapurapica allcullapish animalcunata, gentecunata sintishpa, mana ladrangachu. Chaica, Mandac Dios ñucaca Egipto runacunamanta israelcunata chicanyachic cashcata yachachunmi cashnaca tucunga” ninmi.