ÉXODO 7:17 - Dios Rimashcata Quillcashcami

¹⁷ Mandac Diosca: ‘Cunanmi ñuca pi cashcata yachangui’ ninmi. Ñuca maquipi charicuc varahuan yacupi huactacpica, yacuca yahuarmi tucunga.

ÉXODO 7:17 Referans Kwoze

ÉXODO 4:9

Cai quipata ruhuashcata ricushpapish mana crishpa, mana cazucpica, jatun yacumanta yacuta huishishpa, allpapi tallingui. Shina tallicpica, yacuca yahuarmi tucunga— nirca.

ÉXODO 7:5

Egiptopi causaccunapac chaupimanta israelcuna ñuca maquihuan llucchicpimi, Egipto runacunaca ñucataca Mandac Dios cashcata yachangacuna— nirca.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

EZEQUIEL 39:28

Shuctac llactacunaman prezu cachashpapish quipataca tucuita tandachishpami paicunapac llactallapitac causachun churasha. Shina ruhuacpimi, ñucataca Mandac Dios cashcata yachangacuna.

EZEQUIEL 38:23

Shina ruhuashpami, ñucaca jatun cashcata, jucha illac cashcata shuctac llactacunaman ricuchisha. Shina ruhuacpimi, ñucataca Mandac Dios cashcata yachangacuna” ninmi ningui.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

APOCALIPSIS 11:6

Chai ishcai huillaccunaca, paicuna huillacui punzhacuna ama tamyachun, tamyata jarcai pudincunami. Yacucunatapish yahuarta ruhuangapac poderta charincunami. Allpa pachapi ima tiyashcatapish tucuilaya llaquicunahuan, mashna cutinpish llaquichi pudincunami.

APOCALIPSIS 8:8

Ishcainiqui ángel tocacpica, mama cucha yacumanmi shuc jatun urcu rupacuc shina urmarca. Shina urmacpica, mama cucha yacuca quimsapi chaupishcamanta shuc partemi yahuar tucurca.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

EZEQUIEL 32:15

Egipto llactata shitashca pambata saquicpi, imalla tiyashcacunatapish quichushpa apacpi, chaipi causaccunatapish tucui huañuchicpimi, ñucataca Mandac Dios cashcata yachangacuna.

EZEQUIEL 30:19

Egipto llactataca cashcata ruhuashpami llaquichisha. Shina ruhuacpimi, ñucataca Mandac Dios cashcata yachangacuna» nirca.

EZEQUIEL 30:8

Egipto llactapi ninata japichishpa, paita ayudaccunandi tucuchicpimi, ñucataca Mandac Dios cashcata yachangacuna.

EZEQUIEL 29:9

Egipto llactaca llaquinayaita tucuchishca, shitashcami saquiringa. Shina ruhuacpimi, ñucataca Mandac Dios cashcata yachangacuna. Canca: ‘Nilo yacuca ñucapacmi, ñucami ruhuarcani’ nircanguimi.

SALMOS 105:29

Chai yacucunata yahuarta ruhuashpami, tucui challuacunata huañuchirca.

SALMOS 83:18

Cambac shutica Mandac Dios cashcata yachachun. Jahua pachapi causac Diosca tucui cai pachata mandac cashcata ricsichuncuna.

SALMOS 78:44

Chaipica pipish ama ubiachun jatun yacucunatapish, callpacuc yacucunatapish yahuartami ruhuarca.

2 REYES 19:19

Cunanca Mandac Dioslla, cai pacha llactacunata jatun mandaccuna canlla Dios cashcata yachachun ñucanchicta chai jatun mandaccunapac maquimanta quishpichiyari» nishpami mañarca.

1 REYES 20:28

Chai shina cacpimi, Dios ima nishcata huillac runa Israel llactata jatun mandacpacman shamushpaca: —Mandac Diosca: “Siriocunaca, ñucataca Mandac Diosca urcucunapi causaccunapac Diosmi, pugru pambacunapi causaccunapac Diosca mana canchu nishcacunami. Ñucaca cai tucui gentecunatami, cambac maquipi churagrini. Chashna ruhuacpimi ñucataca Mandac Dios cashcata yachangui” ninmi— nirca.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ÉXODO 1:22

Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

ÉXODO 7:20

Moisespish, Aaronpish Mandac Dios nishca shinallatacmi ruhuarca. Varata alzashpami, Faraonpac, paita serviccunapac ñaupaman rishpa, jatun yacupi huactarca. Shina ruhuacpica, tucui chaipi tiyac yacucunami yahuar tucurca.

ÉXODO 10:2

Shinallatac cai Egiptopi imata ruhuashcata huahuacunamanpish, nietocunamanpish parlachunmi cashnaca ruhuarcani. Ñucaca Mandac Dios cashcata yachachunmi paicunapac chaupipi mancharinacunata ruhuashpa ricuchishcani— nirca.

EZEQUIEL 25:17

Paicunatami yallita piñarishpa, llaquichisha. Chashna yallita llaquichicpimi, ñucataca Mandac Dios cashcata yachangacuna” ninmi ningui» nirca.

EZEQUIEL 32:6

Yahuarta pambacunapi jicharishpami huaicucunapi jundachisha. Chashnami urcucaman jundanga.