ÉXODO 7:10 - Dios Rimashcata Quillcashcami

¹⁰ Moisespish, Aaronpish Faraonpac ñaupaman rishpaca, Mandac Dios mandashca shinallatacmi ruhuarca. Chaipimi Aaronca Faraonpac, paita serviccunapac ñaupaman rishpa, paipac varata shitarca. Chaipica, varaca culebrami tucurca.

ÉXODO 7:10 Referans Kwoze

ÉXODO 4:3

Shina nicpica, Mandac Diosca: —Pambaman shitai— nirca. Chaita pambaman shitacpica, culebrami tucurca. Moisesca manchashpami, chaimanta anchurirca.

SAN LUCAS 10:19

Cancunamanmi culebracunatapish, alacrancunatapish saruchun poderta cuni. Ima millaitapish atinguichicmi. Cancunataca mana imata ruhuangachu.

MARCOS 16:18

Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

AMÓS 9:3

Carmelo urcupi miticucpipish, mashcashpami tarisha. Ñuca ñahuimanta miticushpa, mama cuchaman yaicucpica, culebratami canichun cachasha.

ÉXODO 7:9

—Faraón: “Milagrocunata ruhuashpa ricuchi” nicpica, canca Aarontaca: “Culebra tucuchun, Faraonpac ñaupapi cambac varata shitai” ningui— nirca.

ÉXODO 7:15

Tutamanta Faraón yacuman ricpi, culebra tucushca cambac varata apashpa, Nilo yacu patapi tupagri.

SALMOS 135:9

Egiptopi causaccunalla, cancunapac chaupipimi ima ricuchinacunatapish, jatun mancharinacunatapish ruhuashpa ricuchirca. Chashnami Faraontapish, tucui paipac gentecunatapish llaquichirca.

ÉXODO 7:6

Chashnami Moisespish, Aaronpish Mandac Dios mandashca shina ruhuarca.

ÉXODO 7:20

Moisespish, Aaronpish Mandac Dios nishca shinallatacmi ruhuarca. Varata alzashpami, Faraonpac, paita serviccunapac ñaupaman rishpa, jatun yacupi huactarca. Shina ruhuacpica, tucui chaipi tiyac yacucunami yahuar tucurca.

ÉXODO 12:28

Chai quipaca israelcunaca Mandac Dios Moisestapish, Aarontapish mandashca shinallatacmi tucui ruhuarca.