ÉXODO 40:33 - Dios Rimashcata Quillcashcami

³³ Ña tucuchishpaca Dios-huan tupana huasi canzha pamba muyunditapish, altar canzha pamba muyunditapish jarcarcami. Canzha pambaman yaicuna pungupipish pañota churarcami. Chashnami Moisesca tucui ruhuana cashcata tucuchirca.

ÉXODO 40:33 Referans Kwoze

ÉXODO 40:8

Ña tucuchishpaca, canzha pamba muyundita allichishpa, pañota canzha pambaman yaicunapi churangui.

2 TIMOTEO 4:7

Ñucaca Jesusta crinata mana saquishpami, macanacuipi alli macanacushpa mishac shina chai chayana cashcaman ña chayashcani.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

1 CORINTIOS 12:28

Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 12:12

Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can.

SAN JUAN 17:4

Ñucaca cai pachapica canta jatunyachishcanimi, shinallatac imata ruhuachun nishcatapish tucuchishcanimi.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 10:9

Ñucami punguca cani. Maijanpish ñucamanta yaicucca quishpiringami. Paica llucshic, yaicucmi puricunga. Micunatapish taringami.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SAN MATEO 16:8

Chaimantami Jesusca: —Mana sinchi cric runacunalla, ¿ima nishpatac “manamari tandata apamushcanchic” ninacunguichic?

ZACARÍAS 4:9

“Zorobabelmi ñucapac huasi callari rumitaca churarca. Paillatacmi tucuchinga. Chaita ricushpami, Mandac Diosllatac ñucataca cachashcata yachanguichic.

1 REYES 6:9

Salomonca Diospac huasita tucuchishpaca, chai huasi jahuataca vigacunahuan, cedro tablacunahuanmi taparca.

NÚMEROS 1:50

Chaipac randica mandashcacunata huacaichishca ñucahuan tupana ucutapish, tucui chaipi tiyaccunatapish ricuchun churangui. Paicunami ñucahuan tupana huasitapish, chaipi imalla tiyaccunandi apanga. Chashnami carpa huasipi servishpa, chai muyundipi causanga.

ÉXODO 39:32

Chashnami Dios-huan tupana huasita ruhuashpa tucuchirca. Mandac Dios Moisestaca mandashca shinallatacmi tucuita ruhuarca.

ÉXODO 40:32

Dios-huan tupana huasiman yaicungapac, altarman cuchuyangapacca Mandac Dios Moisesta mandashca shinallatacmi jahuarirca.

1 REYES 6:14

Shinami Salomonca Diospac huasita shayachinataca tucuchirca.