ÉXODO 40:2 - Dios Rimashcata Quillcashcami

² «Callari quilla, callari punzhapica ñucahuan tupana huasita shayachingui.

ÉXODO 40:2 Referans Kwoze

ÉXODO 26:30

Ñucahuan tupana huasitaca urcupi ricuchishca shinallatac ruhuangui.

ÉXODO 13:4

Cancunaca Abib quillami llucshinguichic.

NÚMEROS 7:1

Moisesca Dios-huan tupana huasita tucuchishpaca, chaipi tucui tiyashcacunandimi aceitehuan cahuishpa, Diospacllata ruhuarca. Shinallatac altartapish, chaipi tucui tiyaccunatapish aceitehuan cahuishpami, Diospacllata ruhuarca.

NÚMEROS 1:1

Israelcuna Egipto llactamanta llucshishca ishcai huata, ishcai quilla, punta punzhapimi Sinaí shitashca pambapi, paihuan tupana huasipi Mandac Diosca Moisestaca:

ÉXODO 40:6

Chai quipaca ñucaman cushpa rupachina altartaca ñucahuan tupana huasi pungu yaicuna ñaupapi churangui.

ÉXODO 36:18

Broncemanta pichca chunga argollata ruhuashpami, ishcai uraipi tinguirca. Chashnami chai pañoca shuclla jatun paño saquirirca.

ÉXODO 35:11

Paicunami Dios-huan tupana huasi cata carpatapish, chai catapi churana ganchocunatapish, tablacunatapish, quingraiman churana caspicunatapish, pilarcunatapish, basacunatapish,

ÉXODO 30:36

Chaicunamanta ashata ñututa tacashpa, ari nishca quillcata huacaichina cajón ñaupapipish, ñucahuan tupana huasipipish churangui. Chaipimi ñucaca canhuan tupasha. Chai inciensoca pi mana tuparina, ñucapaclla chicanyachishcami canga.

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

ÉXODO 26:7

Dios-huan tupana huasi jahuata tapangapacca, chivo millmamanta chunga shuc pañota ruhuangui.

ÉXODO 26:1

Ñucahuan tupana huasitaca caupushpa alli lino puca, morado puchcahuan ahuashpa, chunga pañota ruhuangui. Chaipica querubincunata bordashpa ruhuangui.

ÉXODO 19:1

Israelcunaca Egiptomanta llucshishpaca, quimsa quillapimi shitashca pamba Sinaiman chayarca.

ÉXODO 40:1

Chai quipami Mandac Diosca Moisestaca:

NÚMEROS 9:1

Israelcuna Egipto llactamanta llucshishca huata callari quillapi, Sinaí shitashca pambapi Mandac Dios Moisesta rimashpaca:

NÚMEROS 9:15

Dios-huan tupana huasita shayachi punzhapica mandashcata huacaichina Arca tiyacuc carpa huasitami puyu taparca. Tutaca nina shinami, huasi jahuapica tutamantacaman carca.

1 CRÓNICAS 17:5

Ñucaca israelcunata llucchimushca punzhamanta cunancamanca jaicapi mana ima huasipi causashcanichu. Ashtahuanpish carpa huasillapimi caipi chaipi, ñucapaclla chicanyachishca huasillapimi caipi chaipi causarcani.

2 CRÓNICAS 29:3

Ezequiasca pai mandai callarishca huata callari quillapimi Mandac Diospac huasi pungu huichcashcata pascarca shinallatac allichirca.

EZEQUIEL 40:1

Babiloniapi ishcai chunga pichca huatata prezu cacpi, huata callari quilla, chunga punzhapimi Mandac Diosca ñucata sinchiyachishpa, israelcunapac llactaman pusharca. Jerusalenta quichushcapish, ñami chunga chuscu huata carca.

EZEQUIEL 45:18

Mandac Dios cutinllatac rimashpaca: Huata callari quilla, punta punzhapi mana ima tucushca becita ñucaman cushpa huañuchishpa, ñucapaclla huasita mapa illacta ruhuangui.