ÉXODO 4:7 - Dios Rimashcata Quillcashcami

⁷ Chaimantami Mandac Diosca: —Maquita quinzhupi cutin sati— nirca. Paica cutinllatacmi quinzhupi satirca. Maquita quinzhumanta llucchicpica, mana ima tucushca, alli maquimi llucshirca.

ÉXODO 4:7 Referans Kwoze

2 REYES 5:14

Shina nicpimi, Naamanca Diospac runa mandashca shinallatac canchis cutincaman Jordán yacupi armarirca. Chashna armarishpaca, huahuapac cuerpo shina ima ungüi illacmi saquirirca.

SAN MATEO 8:3

Shina nicpimi Jesusca: —Ari, alliyachisha ninimi. Alliyai— nishpa, maquihuan tuparicpica, lepra ungüica runamanta chingarircami.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

SAN LUCAS 17:12

Shuc uchilla llactaman chayacucpimi, chunga lepra ungüihuan cac runacuna tupangapac llucshishpa, Jesuspac carullapi shayarirca.

ÉXODO 4:8

Cutinllatac Mandac Diosca: —Cunan pi mana ruhuaipacta ruhuashpa ricuchishcata mana crishpa, mana cazushpaca quipata pi mana ruhuaipacta ruhuashpa ricuchicpimi cringacuna.