ÉXODO 4:11 - Dios Rimashcata Quillcashcami

¹¹ Mandac Diosca: —¿Pitac runamanca shimita curca? ¿Pitac mana rimactapish, ringri mana uyactapish, ñahui mana ricuctapish ruhuarca? ¿Manachu Mandac Dios ñucallatac ruhuarcani?

ÉXODO 4:11 Referans Kwoze

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

SALMOS 146:8

Mandac Diosca mana ricuccunata ñahuita pascacmi. Mandac Diosca urmashcacunata jatarichicmi. Mandac Diosca cashcata ruhuaccunata cuyacmi.

ISAÍAS 6:7

Chashna ñuca shimipi tupachishpaca: —Riqui, cambac shimica cai ninapi tuparishcami. Cunanca cambac juchata perdonashpa anchuchishcami— nirca.

SALMOS 94:9

Ringrita ruhuac Diosca, ¿manachu uyanga? Ñahuita ruhuac Diosca, ¿manachu ricunga?

SALMOS 51:15

Jatun Dioslla, ñuca shimita pascaiyari. Chaipica, tucuipac ñaupapimi alli nishpa cantasha.

JEREMÍAS 1:9

Shinami Mandac Diosca paipac maquita ñuca shimipi tupachishpaca: «Riqui, ñuca rimashcacunatami cambac shimipi churani.

JEREMÍAS 1:6

Shina nicpimi ñucaca: «Mandac Dioslla, ñucaca cunan huiñaillami cani. Rimanatapish mana alli yachanichu» nircani.

EZEQUIEL 33:22

Miticushpa shamuc runa tutamanta ñucapacman manarac chayamucpimi, Mandac Diosca shuc chishipi ñucata rimachirca. Shina rimachicpimi, ña mana upalla carcani.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

ISAÍAS 42:7

ñahui mana ricuccunapac ñahuita pascachun, prezumanta cacharichichun, amsapi caccacunata llucchichunmi churasha.

SAN LUCAS 1:20

Ñuca huillashcaca pactana punzhami pactanga. Ashtahuanpish canca ñuca huillashcata mana crishcamantaca, cambac huahua huacharingacamanmi upayashpa, imata mana rimai pudingui— nirca.

SAN LUCAS 1:64

Chai ratomi callu huatarishca cachariricpi, Zacariasca Diosta: «allimari cangui» nirca.

SAN JUAN 10:21

Ashtahuanpish maijancunaca: —Supaihuan cashpaca, mana chashna rimanmanchu. Maijanpish supaihuan cashpaca, ñahui mana ricuctaca mana alliyachinmanchu— ninacurca.

GÉNESIS 11:7

Cunanca, paicunapac rimaita chican chicanta ruhuangapac urai rishunchic. Shina ruhuacpimi, caishuc chaishuc imata rimacushcata mana entendingacuna» nirca.

PROVERBIOS 20:12

Mandac Diosca ñahuitaca ricuchun, ringritaca uyachunmi ishcaitatac ruhuashca.