ÉXODO 36:8 - Dios Rimashcata Quillcashcami

⁸ Dios-huan tupana huasita ruhuac alli yuyaiyuc runacunaca lino puchcahuan, ahuashpa chunga morado puca pañohuanmi ruhuarca. Chaipica querubincunatami bordashpa ruhuarca.

ÉXODO 36:8 Referans Kwoze

2 CRÓNICAS 3:10

Diospaclla chicanyachishca ucupipish, ishcai querubincunatami caspimanta ruhuarca. Chaicunatapish curihuanmi jahuata llutarca.

1 CRÓNICAS 15:1

Davidca paipac pueblopimi paipac huasicunata shayachirca. Shinallatac Diospac Arcata churangapacpish shuc pushtuta acllashpami carpa huasita shayachirca.

1 REYES 6:23

Shinallatac Diospaclla chicanyachishca ucupi churangapacca ishcai querubintami olivos caspimanta ruhuarca. Chaicunaca chuscu metro altomi carca.

ÉXODO 35:10

Cancunapuramanta maijan artesanocuna Mandac Dios mandashcata ruhuangapac shamuichic.

ÉXODO 31:6

Chashnallatac Dan aillupuramanta Ahisamacpac churi Aholiabtami Bezaleelta ayudachunca acllarcani. Tucui ñuca imata ruhuachun nishcacunata ruhuachunmi, tucui artesanocunaman yachai Espirituta curcani.

ÉXODO 25:22

Chaipimi ñucaca canhuan tupasha. Dios-huan ari nishca quillcata huacaichina Arca tapa jahuamanta, chai tapa jahuapi tiyacuc ishcai querubincunapac chaupimantami israelcunata imata ninata huillasha.

ÉXODO 25:18

Querubincunata curita martillohuan huactashpa, ruhuashpa ishcai ladopi churangui.

ÉXODO 31:7

Paicunami ñucahuan tupana huasitapish, ari nishca quillcata huacaichina Arcatapish, chaita tapanatapish, carpa huasipi tucui tiyaccunatapish ruhuanga.

ÉXODO 36:9

Chai pañoca sunimanca chunga ishcai metro chaupi, anchomanca ishcai metromi carca. Tucui pañocunami igual carca.

2 CRÓNICAS 1:3

Chai quipaca tucui chai tandanacushca gentecunahuanmi, Gabaón lomapi cac Dios-huan tupana huasipi cac altarman rirca. Chai carpa huasitaca Mandac Diosta servic Moisesmi shitashca pambapi ruhuashca carca.

ÉXODO 39:3

Curita martillohuan huactashpa, ñañu curi puchcata ruhuashpami azul, morado, sani puca, lino puchcahuan ahuashpa, bordashpa ruhuarca.