ÉXODO 35:2 - Dios Rimashcata Quillcashcami

² “Sucta punzhata trabajanguichic. Canchisniqui punzhaca Diospaclla chicanyachishca punzhami. Chai punzhaca samarina punzhami. Maijanpish chai punzhapi imata ruhuacca huañungami.

ÉXODO 35:2 Referans Kwoze

LEVÍTICO 23:3

Sucta punzhata trabajanguichic. Ashtahuanpish canchisniqui punzhaca samarinami, ñucapaclla chicanyachishca tandanacuitami ruhuana canguichic. Cancuna maipi causacushpapish chai punzhapica samarishpami, Mandac Dios ñucata yuyarina canguichic.

ÉXODO 34:21

Sucta punzhata trabajanguichic. Ashtahuanpish canchisniqui punzhapica samarinami. Tarpuna punzhacunapipish, cosechana punzhacunapipish samaringui.

ÉXODO 23:12

Sucta punzhallatac trabajangui. Ashtahuanpish canchisniqui punzhapica samaringui. Chashnami cambac huagratapish, burrotapish, canta servicpac churitapish, pozashpalla caccunatapish samachingui.

SAN JUAN 5:16

Samana punzhapi alliyachishcamantami mandac israelcunaca Jesusta piñai callarirca.

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,