ÉXODO 34:7 - Dios Rimashcata Quillcashcami

⁷ Huaranga huaranga huahua huahuacunacaman cuyac, mana cazushpa juchata ruhuacpipish, perdonacmi cani. Shina cacpipish, mana allita ruhuaccunataca manatac perdonashachu. Taitacuna millaita ruhuashcamantaca quimsa huahua huahuacaman, mana cashpa chuscu huahua huahuacaman llaquichicmi cani— nirca.

ÉXODO 34:7 Referans Kwoze

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

JEREMÍAS 32:18

Canca huaranga huaranga gentecunata llaquicmi cangui. Cutin ñaupa taitacuna mana allita ruhuashcamantaca quipa huahuacunatami llaquichingui. Jatun poderyuc Dioslla, cambac shutica tucuita Mandac Diosmi.

1 JUAN 1:9

Shina cashpapish ñucanchic juchacunata Diosman huillacpica, paica imatapish cashcata ruhuac cashcamanta, imatapish pactachic cashcamantaca perdonangami, shinallatac tucui mana allicunatapish pichangami.

DANIEL 9:9

Ñucanchic canta mana cazucpipish, canca llaquishpa juchacunata perdonacmi cangui.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

JOB 10:14

Ñuca juchata ruhuacpipish, canllatacmi ricungui. Ñuca mana allita ruhuacpipish mana perdonanguichu.

ÉXODO 23:7

Ama llullashpa rimanguichu. Cashcata ruhuac, mana faltayuc runata ama huañuchinguichu. Ñucata mana manchac runataca mana cashcata ruhuacmi nishachu.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.

HEBREOS 12:29

Chaica, ñucanchic Diosca tucuita rupachic nina llama shinami.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.

SALMOS 86:15

Shina cacpipish, Mandac Diosca llaquic, cuyac Diosmi cangui. Mana utca piñaric, yallita cuyacpish, cashcata nicpish canguimi.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

NEHEMÍAS 9:32

Cunanca ñucanchic Dioslla, canca poderta charic, tucuipac manchana Diosmi cangui. Canca imatapish pactachic, yallita llaquic Diosmi cangui. Asiria llactata jatun mandac, mandacushca punzhamanta, cunan punzhacaman, jatun mandaccunapish, ñucanchic curacunapish, can ima nishcata huillaccunapish, ñucanchic ñaupa taitacunapish, tucui can acllashcacuna llaquita, apacushcataca ama cungaringuichu.

NEHEMÍAS 1:5

Ñuca mañashpaca: «Jahua pachapi causac Dioslla, canca jatun poderta charic manchana Diosmi cangui. Can mandashcacunata cazucmanca can ari nishcatapish pactachic, llaquic Diosmi cangui.

HECHOS 13:38

Tandanacushca huauquicunalla, cai ñuca huillashcata alli yachaichic: Cancuna Jesusta cricpimi, Diosca cancunapac juchacunata perdonanga.

HECHOS 5:31

Chashnami Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Diosman cutiricpi, juchacunata perdonangapacmi chashnaca ruhuarca.

JOSUÉ 24:19

Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.

ÉXODO 23:21

Paita cazushpa, pai nishcata uyangui. Can mana cazucpica, paica mana perdonangachu. Ñucallatacmi paihuanca cani.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

SAN LUCAS 7:48

Shina nishpa, chai huarmitaca: —Cambac juchacunataca ña perdonanimi— nirca.

SAN LUCAS 7:42

Paicuna mañashca cullquita mana cutichi pudicpimi, chai mañachic runaca ishcai runatatac perdonarca. Chai ishcai runacunamantaca, ¿maijantac cullquita mañachic runataca, ashtahuan cuyanga? Chaita ni— nirca.

SAN MATEO 12:31

Chaimantami cancunataca: Ima juchata ruhuashcatapish, camishcatapish Diosca perdonangami. Ashtahuanpish Diospac Espirituta camishpa rimactaca, Diosca manatac perdonangachu.

MIQUEAS 6:11

Mana allita pezac balanzatapish, mana allita medic bolsatapish, ¿allimi nishachu?

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

SALMOS 136:15

Faraonta paipac soldadocunandi Puca Cuchapi shitac Diosta alabaichicyari. ¡Paica huiñaita llaquicmi!

SALMOS 136:10

Egiptopi causaccunapac punta churicunata huañuchic Diosta alabaichicyari. ¡Paica huiñaita llaquicmi!

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

GÉNESIS 19:16

Lot mana utcacpimi, chai ishcai angelcunaca Mandac Dios llaquishcamanta paitapish, paipac huarmitapish, ishcai ushicunatapish maquimanta aisashpa, chai llactamanta canzhaman llucchirca.

ÉXODO 33:19

Shina nicpimi, Mandac Diosca: —Ñuca yallita cuyac cashcatami, canmanca ricuchigrini. Mandac Dios ñucaca mandac cashcatapishmi cambac ñaupapi huillasha. Maijanta yallita cuyasha nishpaca yallita cuyacmi cani. Maijanta llaquisha nishpaca llaquicmi cani.

ÉXODO 34:9

—Mandac Dioslla, cambac ñahuipi alli ricurishca cacpica, cai gentecuna yallimana millaita ruhuac, sinchi shungu cacpipish, ñucanchic-huan jaculla. Juchata ruhuashpa, mana alli cashcataca perdonashpa, cambacllata ruhuashpa, chasquiyari— nirca.

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

DEUTERONOMIO 7:10

Shina cashpapish, paita piñaccunataca mana unayashpa llaquichicmi. Paita llaquichiccunataca paicuna llaquichishca shinallatacmi llaquichin.

1 REYES 8:30

Canta servic ñucapish, can acllashca israelcunapish cai huasipi mañashcataca uyanguiyari. Can causana jahua pachamanta uyashpa juchacunatapish perdonanguiyari.

2 CRÓNICAS 30:9

Mandac Diospacman cancuna cutiricpica, cancunapac huauquicunata, cancunapac churicunataca prezu apashpa charicuc gentecunaca llaquingacunami. Chaimantami cai llactaman cutimungacuna. Cancunata Mandac Diosca yallita cuyac, yallita llaquic Diosmi. Cancuna paipacman cutiricpica, paica cancunataca cuidangami» nirca.

JEREMÍAS 9:24

Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.

1 REYES 8:32

jahua pachapi uyashpa, canta serviccuna imata ruhuana cashcata ricuchingui. Canta mana manchactaca pai mana allita ruhuashca shinallatac paipac jahuapi llaquita churangui. Cashcata ruhuactaca imatapish cashcata ruhuashcamantami, allicunata japina cashcata cungui.

SALMOS 25:11

Mandac Dioslla, ñucaca jatun juchatami ruhuashcani. Cambac shuti alli nishca cachunca perdonaiyari.

SALMOS 99:8

Ñucanchicta Mandac Dioslla, canmi paicuna mañashcataca cutichic carcangui. Paicuna mana allita ruhuashcataca perdonacmi carcangui. Shina cashpapish paicuna millaita ruhuashcamantaca llaquichicmi carcangui.

SALMOS 109:14

Quipa tiyashca huahua huahuacunapish tucui tucuchishca cachun. Paipac taitacuna yallita mana allita ruhuashcataca Mandac Dios yuyaricuchunlla. Paipac mamapac juchatapish ama anchuchishca cachun.

JEREMÍAS 30:11

Canta quishpichingapacca canhuanmi casha. Ñucami canta caita chaita cacharcani. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami taripasha. Canta llaquichinataca manatac saquishachu. Chaitaca Mandac Dios ñucami nini» ninmi.